19.05.2026 | 18:42
Հայ հեծանվորդներն արծաթե մեդալ են նվաճել միջազգային մրցաշարում
Շփման գծում և սահմանին իրավիճակը համեմատաբար կայունացել է. ԵԱՀԿ ՄԽ ռուսաստանցի համանախագահ
Քաղաքականություն
02.11.2018 | 15:19
Ղարաբաղա-ադրբեջանական շփման գծում, ինչպես նաև Հայաստանի և Ադրբեջանի սահմանին իրավիճակը «համեմատաբար կայունացել է»: ՌԻԱ Նովոստիի փոխանցմամբ՝ լրագրողների հետ զրույցում նման կարծիք է հայտնել ԵԱՀԿ Մինսկի խմբի ռուսաստանցի համանախագահ Իգոր Պոպովը:
«Մեր այցն այսօր ավարտին է մոտենում: Մենք եղանք Երևանում, Լեռնային Ղարաբաղում, հիմա Բաքվում ենք: Հանդիպումներ ենք ունեցել Հայաստանի վարչապետի պաշտոնակատարի, Ադրբեջանի նախագահի, երկու երկրների պաշտպանության նախարարների հետ: Ուշադրության կենտրոնում ղարաբաղյան հակամարտության կարգավորման գործընթացի հետ կապված հարցերն են: Մենք քննարկել ենք, մասնավորապես, Դուշանբեում երկու երկրների առաջնորդների միջև տեղի ունեցած զրույցը: Խոսքը կապի մասին է, որ հաստատվել է Երևանի և Բաքվի միջև»,- նշել է Պոպովը:
Դիվանագետը նաև հավելել է, որ Բաքուն և Երևանը Ղարաբաղի հարցով բարձրագույն մակարդակով երկխոսությունը շարունակելու սկզբունքային ցանկություն ունեն:
«Հույս ունենք, որ հաջորդ ամիս երկու երկրների ԱԳ նախարարների հանդիպում տեղի կունենա, որի ընթացքում կքննարկվեն կարգավորման առանցքային հարցեր և վստահության ամրապնդման այն միջոցները, որոնք կարող են ձեռնարկվել՝ հաշվի առնելով իրադրության զարգացումը, հաշվի առնելով այն, թե ինչպես կկառուցվեն երկու երկրների ղեկավարների փոխհարաբերությունները: Մենք հասկանաք, որ երկխոսությունը բարձրագույն մակարդակով շարունակելու ցանկություն կա»,- ասել է Իգոր Պոպովը:
