28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
Նախիջևանում ՀՀ-ի հետ սահմանին սկսվել է երկաթուղու շինարարությունը. ՏԵՍԱՆՅՈՒԹ
Քաղաքականություն
05.12.2025 | 15:40
«Ադրբեջանի երկաթուղիներ» ընկերությունն ավարտել է Նախիջևանի Ինքնավար Հանրապետությունում երկաթուղային ենթակառուցվածքների վերակառուցման և արդիականացման նախագծային աշխատանքները։ Այս մասին հայտարարել է ընկերության փոխնախագահ Արիֆ Աղաևը։
Նա նշել է, որ ներկայում շինարարական աշխատանքներ են սկսվել Հայաստանի հետ սահմանի մոտ գտնվող հատվածում՝ Օրդուբադի շրջանի Սալամմելիք կայարանում։
«Շինարարական աշխատանքները ներառում են 188 կիլոմետրանոց երկաթուղային գիծ։ Նպատակն է ստեղծել ժամանակակից պահանջներին համապատասխանող նոր երկաթուղային ցանց։ Վերանորոգումից հետո երկաթուղու տարեկան թողունակությունը կկազմի 15 միլիոն տոննա։ Ինչպես հայտնի է՝ 2025 թվականի օգոստոսի 8-ին Վաշինգտոնում նախագահ Իլհամ Ալիևը ստորագրեց պատմական համաձայնագիր՝ «Թրամփի երթուղի՝ միջազգային խաղաղության և բարգավաճման համար» (TRIPP) նախագծի բացման վերաբերյալ։ Այս համաձայնագրի շրջանակում կվերականգնվի միջանցքի երկայնքով երկաթուղային ծառայությունը: Զանգեզուրի միջանցքը, որը Միջին միջանցքի կարևոր մասն է կազմում, համարվում է Եվրոպայի և Ասիայի միջև բեռնափոխադրումների հիմնական երթուղի: Այս միջանցքը նաև կդառնա Հյուսիս-Հարավ տրանսպորտային երթուղու հիմնական ճյուղը»,- հայտարարել է Աղաևը:
Թարգմանությունը՝ Էմմա Չոբանյանի
