06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Լեհաստանը բարձր պատրաստականության է բերել ՀՕՊ-ը սահմանին МиГ-31-ի թռիչքի պատճառով
Քաղաքականություն
30.11.2025 | 18:32
Լեհաստանի օդային ուժերը բարձր պատրաստականության են բերել իրենց հակաօդային պաշտպանության համակարգերը՝ Ռուսաստանի արևմտյան սահմանների մոտ չորս МиГ-31 կործանիչների ծրագրային թռիչքի պատճառով։ Bild-ի տվյալներով՝ իրավիճակին արձագանքել են ոչ միայն լեհական զինվորականները, այլև Գերմանիայի բունդեսվերի Լեհաստանում տեղակայված ստորաբաժանումները։ Մասնավորապես, երկու գերմանական Patriot համակարգեր տեղափոխվել են առավելագույն մարտական պատրաստականության մակարդակ։
Ավելի ուշ ինքնաթիռները շրջվել են՝ չլքելով Ռուսաստանի օդային տարածքը, ինչը հաստատել են ՆԱՏՕ-ի աղբյուրները և Գերմանիայի օդային ուժերի ներկայացուցիչը։
Հիշեցնենք՝ սեպտեմբերին ՆԱՏՕ-ի գլխավոր քարտուղար Մարկ Ռյուտեն հայտարարել էր, որ դաշինքը պատրաստ է խոցել ռուսական ռազմական ինքնաթիռները, եթե դրանք խախտեն դաշինքի օդային տարածքը։ Հայտարարությունն արվել էր այն բանից հետո, երբ Էստոնիայի օդային տարածքն, ըստ Տալինի, խախտվել էր երեք МиГ-31-ի կողմից Վայնդլո կղզու շրջանում։
Մոսկվան այն ժամանակ հերքել էր մեղադրանքները։
