11.09.2026 | 12:51
Ռուսական զորքերը հարվածել են Կիևում ինը հարկանի շենքի․ ութ մարդ է տուժել
Հոնկոնգում հրդեհի զոհերի թիվը հասել է 146-ի
Քաղաքականություն
30.11.2025 | 14:21
Հոնկոնգի բնակելի համալիրներից մեկում բռնկված հրդեհի զոհերի թիվը հասել է 146-ի։ «Արմենպրես»-ի փոխանցմամբ` այս մասին նոյեմբերի 30-ին հայտնել է քաղաքային ոստիկանությունը։
«Ժամը 16:00-ի (տեղական ժամանակով, Երևանի ժամանակով ժամը 12:00-ի դրությամբ) Վան Ֆուկ Քորթ բնակելի համալիրում բռնկված հրդեհը խլել է 146 մարդու կյանք», – ասվում է ոստիկանության հայտարարության մեջ։
Թայ Պո շրջանի Վան Ֆուկ Քորթ թաղամասի 32-հարկանի ութ շենքերից բաղկացած բնակելի համալիրում հրդեհը սկսվել և արագ տարածվել է նոյեմբերի 26-ի կեսօրին։ Բնակելի թաղամասում կար 2000 բնակարան, որտեղ ապրում էր ավելի քան 4600 մարդ։
Հրդեհի առաջացման պատճառները դեռ հետաքննվում են, սակայն մասնագետներն ասում են, որ կրակն արագ տարածվել է շենքերում շինարարական աշխատանքների ժամանակ օգտագործվող դյուրավառ ցանցերի և բամբուկե փայտամածների պատճառով։
Չկանխամտածված սպանության համար ձերբակալել է երեք մարդ՝ շինարարական ընկերության տնօրեններից երկուսը և ինժեներ-խորհրդատուն։
