29.06.2026 | 17:50
Պուտինի հետ հանդիպում պահանջած և ապստամբությամբ սպառնացող զինվորականը կալանավորվել է
Եկեղեցու բակից բերման ենթարկեցին Հայկ Դորունցին և Հովհաննես Իշխանյանին
Քաղաքականություն
30.11.2025 | 12:35
Հայկ Դորունցին և Հովհաննես Իշխանյանին բերման ենթարկեցին Սուրբ Սարգիս եկեղեցու բակից։
Պատարագիչ քահանան չհնչեցրեց Գարեգին Բ կաթողիկոսի անունը, ինչին էլ ի պատասխան Իշխանյանը սկսեց վանկարկել այն։ Դրանից հետո նրան դուրս բերեցին եկեղեցուց և նստեցրին ոստիկանական մեքենան։
«Կաթողիկոսի անունը չտվեցին և այդ ժամանակ մի խումբ հավատացյալներ հնչեցրին նրա անունը։ Զեղչում են, այսինքն պատարագն իսկական չի։ Ինչ-որ մեկը մտել և գրաքննել է այդ պատարագը»,-լրագրողներին ասաց Իշխանյանը, ինչից հետո բերման ենթարկվեց։
Դորունցին նույնպես եկեղեցուց ուժով դուրս բերեցին և նստեցրին ոստիկանական ավտոմեքենան։ Լրագրողների հարցին ի պատասխան՝ ինչ հիմքով են բերման ենթարկվում քաղաքացիները, ոստիկանները հորդորեցին չխոչընդոտել իրենց աշխատանքը։
Հիշեցնենք՝ հոկտեմբերի 26-ին ակտիվիստ Հայկ Դորունցին բռնի ուժով դուրս էին բերել նաև Հովհաննավանքից, երբ նա բղավել էր, որ կարգալույծ հռչակված Տեր Արամ քահանա Ասատրյանը պատարագ մատուցելու իրավունք չունի:
Տեսանյութերը՝ այստեղ։
