09.06.2026 | 11:02
Վահագն Ալեքսանյանի ճեպազրույցը՝ ՈՒՂԻՂ
Ալիևի օգնականը ՆԱՏՕ-ի կենտրոնակայանում Հայաստանի հետ խաղաղության գործընթացն է քննարկել
Քաղաքականություն
28.11.2025 | 18:35
Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը Բրյուսելում այցելել է ՆԱՏՕ-ի կենտրոնակայան։ Այս մասին հայտարարել է ՆԱՏՕ-ում Ադրբեջանի առաքելությունը։
Հաջիևը հանդիպումներ է ունեցել ՆԱՏՕ-ի Խորհրդի դեսպանների, ինչպես նաև ՆԱՏՕ-ի գլխավոր քարտուղարի քաղաքական և անվտանգության հարցերով օգնական Բորիս Ռուգեի հետ։ Հանդիպման ընթացքում նշվել է ՆԱՏՕ-ի Խորհրդի դեսպանների այցը Ադրբեջան և նրանց հանդիպումը նախագահ Իլհամ Ալիևի հետ։
Հաղորդվում է, որ կողմերը մտքեր են փոխանակել հարցերի լայն շրջանակի շուրջ, այդ թվում՝ Ադրբեջանի և ՆԱՏՕ-ի միջև հաջող գործընկերության և համագործակցության հեռանկարների, Եվրոպայում էներգետիկ անվտանգության հարցերի, տարածաշրջանային անվտանգության, ինչպես նաև Ադրբեջանի և Հայաստանի միջև խաղաղության գործընթացի օրակարգի վերաբերյալ։
Թարգմանությունը՝ Էմմա Չոբանյանի
