19.10.2026 | 21:48
Հայաստանի մի շարք հասցեներում էլեկտրաէներգիայի անջատումներ կլինեն
Արմեն Սարգսյանը Լուկաշենկոյի հետ քննարկել է Ադրբեջանին սպառազինության մատակարարման հարցը
Քաղաքականություն
01.11.2018 | 17:17
Մինսկի կողմից Ադրբեջանին սպառազինության հարցը եղել է Բելառուսի նախագահ Ալեքսանդր Լուկաշենկոյի հետ բանակցությունների օրակարգում: Այս մասին Մինսկում լրագրողների հետ զրույցում հայտարարել է ՀՀ նախագահ Արմեն Սարգսյանը, գրում է interfax.by-ն:
«Մենք տարբեր հարցեր ենք քննարկել: Ինչ վերաբերում է այս կամ այն երկրին զենք վաճառելու՝ Բելառուսի որոշմանը. մենք շատ բարեկամական և գաղտնի զրույց ենք ունեցել»,- ասել է Արմեն Սարգսյանը:
Մինչ այդ, այս տարեսկզբին ռուսական «Կոմերսանտը», վկայակոչելով Բելառուսի պաշտպանության նախարարությանը մոտ կանգնած աղբյուրներին, հաղորդեց, որ 2018 թվականին Բաքուն կարող է սկսել Մինսկից «Պոլոնեզ» համազարկային կրակի ռեակտիվ համակարգեր (ՀԿՌՀ) ձեռք բերել:
Առաջին պայմանագիրը ենթադրում էր ՀԿՌՀ 10 համալիրի փոխանցում, որոնք ներառում են հրթիռներ, տրանսպորտային միջոցներ, ռադիոտեղորոշիչ կայաններ և այլն: Ավելի ուշ պաշտոնական Բաքուն հաստատեց, որ առաջին համալիրներն արդեն ստացել է:
Ի պատասխան՝ Հայաստանի իշխանությունները հայտարարել են, որ Բելառուսի կողմից Ադրբեջանին «Պոլոնեզ» համակարգերի վաճառքը սպառնում է տարածաշրջանային կայունությանը:
