07.09.2026 | 15:45
Բեռնատարը վնասել է գազատարը․ Շենիկում դադարեցվել է գազամատակարարումը
Ուկրաինայի ԶՈՒ-ն հայտնել է Սարատովի նավթավերամշակման գործարանին հասցված նոր հարվածի մասին
Քաղաքականություն
28.11.2025 | 18:09
Ուկրաինական ուժերը լույս ուրբաթ գիշերը կրկին հարձակվել են Սարատովի նավթավերամշակման գործարանի վրա։ Գրանցվել է մի շարք պայթյուններ, որոնց հաջորդել է հրդեհ թիրախային տարածքում։ Հետևանքները պարզվում են։ Այս մասին ասվում է Ուկրաինայի Զինված ուժերի գլխավոր շտաբի հայտարարության մեջ, գրում է BBC-ի ռուսական ծառայությունը։
Ռուսաստանի իշխանությունները չեն հայտնել Սարատովի նավթավերամշակման գործարանի վրա հարվածի մասին: Ռուսական տելեգրամ ալիքներն էլ, հղում անելով տեղի բնակիչներին, հաղորդել են, որ Սարատովում և Էնգելսում, որտեղ ռազմական օդանավակայան կա, կեսգիշերն անց ժամը 1:00-ից մինչև 5:00-ը պայթյուններ են լսվել:
ՌԴ պաշտպանության նախարարությունն առավոտյան զեկույցում հայտնել է, որ Սարատովի մարզի վրա խոցվել է 30 անօդաչու թռչող սարք: Ընդհանուր առմամբ, նշվում է 136 անօդաչուի ոչնչացման մասին։
Սա աշնան սկզբից ի վեր Ուկրաինայի ԶՈՒ գլխավոր շտաբի յոթերորդ հայտարարությունն է Սարատովի նավթավերամշակման գործարանի վրա հարվածի մասին։
Reuters-ը հաղորդել է, որ «Ռոսնեֆտ»-ին պատկանող գործարանը դադարեցրել է նավթավերամշակումը նոյեմբերի 11-ին՝ անօդաչու թռչող սարքերի հերթական հարձակումից հետո, որը կրկնվել է նոյեմբերի 14-ին։ Գործակալությունը, հղում անելով արդյունաբերական աղբյուրներին, հայտնել է, որ նավթավերամշակման գործարանի գործունեությունը դադարեցված է մինչև ամսվա վերջ։
Թարգմանությունը՝ Էմմա Չոբանյանի
