03.07.2026 | 11:11
«Արտյոմին ու Գոռին չոտկի կտաս, մնացածին՝ 20 պակաս ես տալում, հարցը լուծվում ա»․ ՀԿԿ ձայնագրություն
Անդրիաս Ղուկասյանը Նիկոլ Փաշինյանին խնդրում է իր համախոհների համար պարզաբանել՝ աղաչե՞լ է, որ իրեն ազատ արձակեն, թե՞ ոչ․ ՏԵՍԱՆՅՈՒԹ
Քաղաքականություն
01.11.2018 | 17:25
«Նոր Հայաստան» շարժման առաջնորդ Անդրիաս Ղուկասյանը խնդրում է Նիկոլ Փաշինյանին իր համախոհների համար պարզաբանել, թե նա ինչ դերակատարում է ունեցել իր ազատ արձակման հարցում։ Այս մասին այսօր հրավիրված մամուլի ասուլիսի ժամանակ ասաց Ա․ Ղուկասյանը։
«Խնդրում եմ՝ իր համախոհներին պազաբանի, թե ինքը ի՞նչ դերակատարում է ունեցել իմ ազատ արձակման գործում, որովհետև եթե սոցիալական ցանցում կա թյուրըմբռնման խնդիր, ապա դա կարիք ունի շտկվելու, իսկ եթե դա ուղղորդված արշավ է, ապա ես պարզապես ցավակցում եմ, որ հեղափոխության արդյունքում երկրի ղեկավարությանը հասած ուժը նման ֆեյքերի միջոցով ինչ-որ բաներ է տարածում որևէ քաղաքական գործչի վերաբերյալ»,- ասաց Ղուկասյանը՝ մանրամասներ ներկայացնելով տարածված, իր բնորոշմամբ, ֆեյք լուրերի մասին։
«Ասում են՝ իբրև ես աղաչել եմ Նիկոլ Փաշինյանին, որ ինձ ազատ արձակի, իսկ ես հարգանքով չեմ վերաբերվում նրան իմ քաղաքական գործունեության ընթացքում։ Դա սուտ է, և ես հույս ունեմ, որ Նիկոլ Փաշինյանը դա կշտկի»,- ասաց «Նոր Հայաստան» շարժման առաջնորդը:
Մանրամասները՝ տեսանյութում։
