29.07.2026 | 14:27
Զելենսկին հայտնել է Ռյազանի և Պերմի նավթավերամշակման գործարաններին հարվածների մասին
ԱԺ-ն ընդունեց ՀՀ-ԵՄ համագործակցությանը վերաբերող համաձայնագիրը վավերացնելու որոշումը. ՏԵՍԱՆՅՈՒԹ
Քաղաքականություն
28.11.2025 | 16:00
Ազգային ժողովն ընդունեց ՀՀ-ԵՄ համագործակցությանը վերաբերող համաձայնագիրը վավերացնելու որոշումը։
ԱԺ պատգամավորների նախաձեռնությամբ այսօր գումարվել է Ազգային ժողովի արտահերթ նիստ, որի օրակարգում ««Հայաստանի Հանրապետության և Եվրոպական միության միջև Եվրոպական միության ճգնաժամային կառավարման գործողություններում Հայաստանի Հանրապետության մասնակցության շրջանակը սահմանելու մասին» համաձայնագիրը վավերացնելու մասին» օրենքի նախագիծն էր:
Համաձայնագիրը ստորագրվել է 2025 թվականի հունիսի 30-ին: Հիմնական զեկուցողը ՀՀ արտաքին գործերի նախարարի տեղակալ Վահան Կոստանյանն էր։ Նա հայտնեց, որ այս համաձայնագրով կողմերը ցանկանում են սահմանել ԵՄ ճգնաժամային կառավարման գործողություններին Հայաստանի մասնակցության ընդհանուր պայմանները` նման հնարավոր հետագա մասնակցության շրջանակը սահմանող համաձայնագրում յուրաքանչյուր որոշակի դեպքում` յուրաքանչյուր գործողության համար այդ պայմանները սահմանելու փոխարեն:
Հիմնական զեկուցողի խոսքով` համաձայնագիրը հնարավորություն է ընձեռում ճգնաժամերի կառավարման ոլորտում լավագույնս օգտագործել Եվրոպական միության փորձն ու գիտելիքները:
«Հաշվի առնելով, որ վերջին շրջանում Հայաստանի Հանրապետության և Եվրոպական միության միջև գործընկերության օրակարգը համալրվել է նաև անվտանգային և պաշտպանական ոլորտի համագործակցությամբ` համաձայնագիրը հնարավորություն կստեղծի նշյալ ուղղություններով ևս համագործակցության խորացման և հետագա ընդլայնման համար»,- ասաց Կոստանյանը։
ԱԺ «Հայաստան» խմբակցության տեսակետը ներկայացրել է խմբակցության քարտուղար Արծվիկ Մինասյանը: Ըստ նրա` համաձայնագրում անորոշություններ կան` կապված համաձայնագրով նախատեսված համագործակցության որոշ դրույթների հետ: Նա հայտնել է, որ խմբակցությունը ձեռնպահ է քվեարկելու:
Համաձայնագրի տեքստը` այստեղ:
Մանրամասները` տեսանյութում։
