11.08.2026 | 16:59
Ատրճանակներ, դանակներ, կռփազենք և թմրանյութ․ ՆԳՆ ոստիկանությունը ուժեղացված ծառայությունն է իրականացրել
Պաշտպանի աջակցությամբ դատապարտյալը ենթարկվել է անվճար վիրահատության
Հասարակություն
01.11.2018 | 17:03
Դատապարտյալը խնդրել է Մարդու իրավունքների պաշտպանի աջակցությունը պատշաճ բուժօգնություն ստանալու և անհրաժեշտ վիրահատությունը կազմակերպելու համար:
Նույն հարցով Պաշտպանին է դիմել նաև դատապարտյալի քույրը՝ նշելով, որ քրեակատարողական հիմնարկում պահվելու ընթացքում եղբոր առողջական վիճակը վատթարացել է, վերջինս պարբերաբար ունենում է սուր ցավեր, և անհրաժեշտ է իրականացնել վիրահատական միջամտություն:
Բարձրացված խնդրի առնչությամբ Պաշտպանի աշխատակազմում սկսվել է քննարկման ընթացակարգ: Գրություններ են հասցեագրվել ՀՀ արդարադատության նախարարություն և քրեակատարողական ծառայություն: Դրա հետ մեկտեղ, Պաշտպանի աշխատակազմի ներկայացուցիչներն այցելել են քրեակատարողական հիմնարկ, հանդիպել բողոքը ներկայացրած դատապարտյալին և առանձնազրույց ունեցել նրա հետ:
Արդարադատության նախարարության և քրեակատարողական ծառայության հետ համատեղ աշխատանքի շրջանակում իրականացվել է համապատասխան բժշկական հետազոտություն և խորհրդատվություն, որից հետո պետության կողմից երաշխավորված անվճար բժշկական օգնության շրջանակում դատապարտյալը վիրահատվել է բժշկական կենտրոնում: Հետվիրահատական շրջանի դիտարկման համար այնուհետև տեղափոխվել է «Դատապարտյալների հիվանդանոց» քրեակատարողական հիմնարկ:
Արդյունքում, դատապարտյալի բարձրացրած խնդիրը ստացել է դրական լուծում:
