18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Էրդողանի խորհրդականը Բաքվի պատվիրակության հետ ՀՀ-Ադրբեջան կարգավորման գործընթացն է քննարկել
Քաղաքականություն
28.11.2025 | 22:37
Թուրքիայի նախագահ Ռեջեփ Թայիփ Էրդողանի արտաքին քաղաքականության ու անվտանգության հարցերով գլխավոր խորհրդական Ակիֆ Չաղաթայ Քըլըչը Անկարայում նախագահական համալիրում ընդունել է Ադրբեջանի նախագահի հատուկ հանձնարարություններով ներկայացուցիչ Խալաֆ Խալաֆովին և նրան ուղեկցող պատվիրակությանը։ Այս մասին Քըլըչը հայտնել է X-ի իր միկրոբլոգում։
«Հանդիպման ընթացքում քննարկել ենք Թուրքիայի և Ադրբեջանի երկկողմ հարաբերությունները, Ղարաբաղի ազատագրումը, ինչպես նաև շինարարության և վերականգնման գործընթացները: Մենք վերահաստատել ենք տարածաշրջանումերկարատև խաղաղության հասնելու համար անհրաժեշտ բոլոր միջոցները ձեռնարկելու անհրաժեշտությունը։ Մենք նաև քննարկել ենք տարածաշրջանային և գլոբալ հարցեր: Մենք գոհունակություն ենք հայտնել Ադրբեջանի և Հայաստանի միջև հարաբերությունների կարգավորման գործընթացի կապակցությամբ»,- նշել է Էրդողանի խորհրդականը։
Թարգմանությունը՝Էմմա Չոբանյանի
