29.07.2026 | 14:18
Հայտնի է՝ որքան գումար է առաջարկել «Ռեալը» Ռոդրիի տրանսֆերի համար
«Նոայի» մարզիչ․ Վերջին 2 խաղում մեզ 3 միավոր է հարկավոր փլեյ-օֆֆ անցնելու համար․ ՏԵՍԱՆՅՈՒԹ
28.11.2025 | 12:25
Հայաստանի չեմպիոն «Նոայի» գլխավոր մարզիչ Սանդրո Պերկովիչն անդրադարձել է Կոնֆերենցիաների լիգայի չորրորդ տուրում շոտլանդական «Աբերդինի» դեմ արտագնա հանդիպմանը, որն ավարտվել էր 1։1 հաշվով։
«Շնորհավորում եմ իմ ֆուտբոլիստներին, ինչպես նաև «Աբերդինին», քանի որ թիմերը լավ խաղ ցուցադրեցին: Զգում էի, որ առաջին խաղակեսում ինչ-որ բան պակասում է մեր խաղում, այդ պատճառով երկրորդ խաղակեսը մեկնարկեցինք 2 հարձակվողով: Շատ լավ արձագանքեց թիմը դրան, և գոլի հեղինակ դարձանք:
Վերջին 2 խաղում փլեյ-օֆֆ անցնելու համար մեզ հարկավոր է 3 միավոր, և մենք ամեն ինչ կանենք դա վաստակելու համար»,- Սանդրո Պերկովիչ
Հիշեցնենք, որ 4 խաղից հետո երևանյան ակումբն ունի 5 միավոր և 23-րդ տեղում է։ Կոնֆերենցիաների լիգայում փլեյ-օֆֆի ուղեգիր են նվաճում 1-24-րդ տեղ գրաված թիմերը։ Նախորդ 3 խաղերում «Նոան» հաղթել էր խորվաթական «Ռիեկային» (1։0), ոչ-ոքի գրանցել ռումինական «Ունիվերսիտատեա Կրայովայի» հետ (1։1) ու պարտվել Չեխիայի գավաթակիր «Սիգմային» (1։2)։ Լիգայի փուլում Սանդրո Պերկովիչի թիմը մրցելու է նաև լեհական «Լեգիայի» (դեկտեմբերի 11) ու Կիևի «Դինամոյի» (դեկտեմբերի 18) հետ։
