12.01.2026 | 12:30
«Բրավո՛, Հայաստան»․ Քոնոր Մաքգրեգորը պատմել է իր երազանքի մասին
Նրանց ընտրությունն է․Պուտինը հայտարարել է՝ ՀԱՊԿ երկրները հարգում են ՀՀ-ի դիրքորոշումը կազմակերպությանը մասնակցության վերաբերյալ
Քաղաքականություն
27.11.2025 | 18:10
Ռուսաստանի նախագահ Վլադիմիր Պուտինը հայտարարել է, որ ՀԱՊԿ երկրները հարգում են Հայաստանի դիրքորոշումը կազմակերպությանը մասնակցելու վերաբերյալ, քանի որ դա Երևանի ընտրությունն է։
«Հայաստանի դիրքորոշումը հայտնի է։ Ինչպես մեզ ասում են մեր հայ գործընկերները՝ «Մենք աջակցում ենք ՀԱՊԿ-ի կողմից կայացված բոլոր որոշումներին։ Մենք մեզ համարում ենք ՀԱՊԿ անդամ, բայց այս փուլում ձեռնպահ ենք մնում կազմակերպության նիստերին մասնակցելուց»»,- ասել է Պուտինը Ղրղզստան կատարած այցից հետո պատասխանելով «Ինտերֆաքս»-ի հարցին։
ՌԴ նախագահը, միաժամանակ, հավելել է. «Դա նրանց ընտրությունն է։ Եթե նրանք հնարավոր են համարում առայժմ այսպես աշխատել, ապա լավ, մենք համաձայն ենք»։
Նա նաև ընդգծել է, որ ՀԱՊԿ-ի մյուս անդամները կապի մեջ են հայկական կողմի հետ։
«Մենք, որպես պետություն, որը հիմա ղեկավարում է աշխատանքները ՀԱՊԿ-ի շրջանակում, իհարկե, մշտական կապի մեջ ենք նրանց հետ՝ որպես այս կազմակերպության անդամներ։ Եվ, իհարկե, մենք կմշակենք և կհամակարգենք յուրաքանչյուր առաջնահերթության վերաբերյալ մեր պատրաստած որոշումները նրանց հետ»,- հայտարարել է Պուտինը։
Թարգմանությունը՝ Էմմա Չոբանյանի
