11.09.2026 | 18:01
Վուչիչը հայտարարել է, որ սեպտեմբերի 25-26-ին հրաժարական կտա Սերբիայի նախագահի պաշտոնից
«Խնձորի գործով» մեղադրյալ Ալբերտ Առստամյանի պաշտպանը նիստին չի ներկայացել և նրան հայտնել է, որ կարող է չներկայանալ
Հասարակություն
27.11.2025 | 12:13
Ալբերտ Առստամյանի պաշտպան Ռոման Երիցյանն այսօր չի ներկայացել «Խնձորի գործ» անունը ստացած նիստին, իր պաշտպանյալ Ալբերտ Առստամյանի էլ հայտնել է, որ կարող էր չներկայանալ:
Արցախից բռնի տեղահանված Առստամյանը մեղադրյալ է վարչապետ Նիկոլ Փաշինյանի ուղղությամբ խնձոր նետելու գործով: Առաջին ատյանի դատարանը նրան արդարացրել է, սակայն Դատախազությունը վերաքննիչ բողոք էր ներկայացրել: Դատարանում հանրային մեղադրողն արդեն ներկայացրել է բողոքը: Դրան պատասխանելու համար արդեն երկրորդ նիստն է հրավիրվում, որին պաշտպանական կողմը չի ներկայանում:
Նախորդ նիստին Ռոման Երիցյանը հայտնել է, որ փաստաբան Ալեքսանդր Կոչուբաևին կալանավորելու կապակցությամբ գործադուլ է հայտարարել ու չի ներկայանալու: Այսօր էլ նիստից առաջ է գրություն ուղարկել դատարան այն մասին, որ Կոտայքի դատարանում կալանքի գործի քննության պետք է մասնակցի ու ներկայանալ չի կարող: Երբ դատարանի աշխատակազմը կապ հաստատեց Ալբերտ Առստամյանի հետ՝ պարզելու համար թե նա ինչու չի ներկայացել, Առստամյանն ասաց, որ պաշտպանն է իրեն ասել, որ կարող էր չներկայանալ քանի որ նիստը հետաձգվում է:
Մինչդեռ նիստը հետաձգելու հարցը բացառապես դատարանը կարող է որոշել: Դատարանը որոշեց ընդմիջում հայտարարել, Առստամյանի հետ կապ հաստատել և հայտնել, որ կարող էր իրացնել իրավունքն ու ներկայանալ դատարան:
Այս պահին նիստն ընդմիջված է:
Արաքս Մամուլյան
