29.07.2026 | 17:45
Իմ կարգի մարդը կարա՞ նեղված լինի. Սասուն Միքայելյանը չի ընտրվել հանձնաժողովի նախագահի թեկնածու․ ՏԵՍԱՆՅՈՒԹ
ՀՀ դեսպանը հանդիպել է Կանադայի Ներկայացուցիչների պալատի նորընտիր խոսնակի հետ
Քաղաքականություն
27.11.2025 | 11:25
Կանադայում Հայաստանի Հանրապետության դեսպան Անահիտ Հարությունյանը հանդիպել է Կանադայի խորհրդարանի Ներկայացուցիչների պալատի նորընտիր խոսնակ Ֆրենսիս Սկարպալեջային։ ՀՀ դեսպանությունից հայտնում են, որ ի թիվս այլ հարցերի քննարկվել է նաև տարածաշրջանային անվտանգությանն առնչվող մի շարք հարցեր։
«Հանդիպման ընթացքում կողմերը քննարկել են երկկողմ քաղաքական օրակարգին, խորհրդարանական դիվանագիտությանը, ինչպես նաև տարածաշրջանային անվտանգությանն առնչվող մի շարք հարցեր։
Զրուցակիցներն ընդգծել են միջխորհրդարանական կապերի շարունակական ամրապնդման անհրաժեշտությունը։
ՀՀ դեսպանը շնորհակալություն է հայտնել Կանադայի կողմից ցուցաբերվող աջակցության համար՝ ուղղված Հայաստանում իրականացվող ժողովրդավարական բարեփոխումների օրակարգին»,- ասված է հաղորդագրությունում։
