09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Չեմպիոնների լիգա․ Մբապեի հաղթական պոկերը, «Ինտերի» պարտությունն ու այլ արդյունքներ․ ՏԵՍԱՆՅՈՒԹ
27.11.2025 | 10:13
Չեմպիոնների լիգայում ավարտվել է 5-րդ տուրը երկրորդ խաղային օրվա հանդիպումներով։
Մադրիդի «Ռեալը» Կիլիան Մբապեի պոկերի (4 գոլ) շնորհիվ 4:3 հաշվով արտագնա հաղթանակ է տարել հունական «Օլիմպիակոսի» նկատմամբ։ Ֆրանսիացի հարձակվողն առաջին խաղակեսում 3 գոլ է խփել 7 րոպեում, ևս մեկ անգամ աչքի է ընկել ընդմիջումից հետո (տեսանյութ)։
Իտալական «Ինտերը» մրցակցի խաղադաշտում 1։2 հաշվով պարտվել է Մադրիդի «Աթլետիկոյին», որի կազմում աչքի են ընկել արգենտինացի հարձակվող Խուլիան Ալվարեսն ու ուրուգվայցի պաշտպան Խոսե Խիմենեսը։ Լեհ կիսապաշտպան Պյոտր Զելինսկու գոլը չի օգնել միլանյան ակումբին (տեսանյութ)։ Հայաստանի ազգային հավաքականի նախկին ավագ Հենրիխ Մխիթարյանը շարունակում է վերականգնվել վնասվածքից և բացակայում էր «Ինտերի» հայտացուցակից։
Օրվա կենտրոնական խաղում Լոնդոնի «Արսենալը» տանը 3:1 հաշվով հաղթել է Մյունխենի «Բավարիային» (տեսանյութ)։
Չեմպիոնների լիգայի գործող գավաթակիր ՊՍԺ-ն Փարիզում 5:3 հաշվով ուժեղ է գտնվել Լոնդոնի «Տոտենհեմից» (տեսանյութ), իսկ Անգլիայի չեմպիոն «Լիվերպուլը» սեփական խաղադաշտում 1:4 հաշվով անակնկալ պարտություն է կրել հոլանդական «ՊՍՎ Էյնդհովենից» (տեսանյութ)։
Լիգայի փուլի 5-րդ տուրից հետո առաջատարը 15 միավոր ունեցող «Արսենալն» է։ 12-ական միավորով 2-5-րդ տեղերը բաժանում են ՊՍԺ-ն, «Բավարիան», «Ռեալը» և «Ինտերը»։
