30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիայի ԱԽ նիստում քննարկվել է Հայաստանի և Ադրբեջանի միջև խաղաղության գործընթացը
Քաղաքականություն
27.11.2025 | 11:34
Թուրքիայի նախագահ Ռեջեփ Թայիփ Էրդողանի նախագահությամբ տեղի է ունեցել երկրի ազգային անվտանգության խորհրդի նիստը։ Անադոլու գործակալության հաղորդմամբ՝ նիստի արդյունքներով տարածվել է հայտարարություն, որից պարզ է դառնում, որ քննարկվել է նաև Հայաստանի և Ադրբեջանի միջև խաղաղության գործընթացը։
Մասնավորապես, նշվում է, որ Ադրբեջանի և Հայաստանի միջև խաղաղության գործընթացում տեղի ունեցած վերջին դրական զարգացումներ լույսի ներքո՝ Թուրքիայի Ազգային անվտանգության խորհրդի նիստում քննարկվել են երկկողմ և տարածաշրջանային մակարդակներում համագործակցության հնարավորությունները, վերահաստատվել է Թուրքիայի հանձնառությունը Հարավային Կովկասում խաղաղություն, կայունություն հաստատելու և զարգացում ապահովելու հարցում։
Հաղորդագրության համաձայն՝ հանդիպմանը քննարկվել է նաև Ռուսաստանի և Ուկրաինայի միջև հակամարտության շուրջ ստեղծված իրավիճակը։ Նշվում է, որ Անկարան շարունակելու է համագործակցել միջազգային գործընկերների հետ՝ Ռուսաստանի և Ուկրաինայի միջև երկարատև և արդար խաղաղություն հաստատելու համար։
Նիստին քննարկվել են նաև Թուրքիայում ձեռնարկվող բազմակողմանի ջանքերը՝ «ահաբեկչության լիակատար և վերջնական վերացման, ինչպես նաև «Թուրքիա առանց ահաբեկչության» նպատակին համապատասխան ազգային միասնության և համերաշխության ամրապնդման ուղղությամբ»։
Թարգմանությունը՝ Էմմա Չոբանյանի
