16.11.2024 | 15:19
Не виноватая я, он сам пришел. մահացել է «Ադամանդե ձեռքը» հայտնի ֆիլմի դերասանուհի Սվետլանա Սվետլիչնայան
Փոխվարչապետի պաշտոնակատար Մհեր Գրիգորյանը մասնակցել է ԵՏՀ խորհրդի նիստին
Քաղաքականություն
01.11.2018 | 13:37
Աշխատանքային այցով Ղազախստանի Հանրապետությունում գտնվող փոխվարչապետի պաշտոնակատար Մհեր Գրիգորյանի գլխավորած պատվիրակությունն այսօր Աստանայում մասնակցել է Եվրասիական տնտեսական հանձնաժողովի խորհրդի հերթական նիստին. տեղեկացնում են ՀՀ կառավարության լրատվական ծառայությունից:
Նիստի ընթացքում մասնակիցներն անդրադարձել են 2019 թվականի ԵՏՄ բյուջեին, միության թվային օրակարգին: Ի թիվս այլ հարցերի քննարկվել են ԵԱՏՄ անդամ պետությունների և Իրանի միջև ժամանակավոր ազատ առևտրի մասին, ինչպես նաև ԵՏՄ և Չինաստանի միջև առևտրատնտեսական համագործակցության մասին համաձայնագրերի ուժի մեջ մտնելու վերաբերյալ հարցերը: Մասնակիցները մտքեր են փոխանակել 2019 թվականին Եվրասիական տնտեսական միության միջազգային գործունեության հիմնական ուղղությունների շուրջ:
Նիստի օրակարգում էին նաև ԵՏՄ երկրների միջև տնտեսության, առևտրի, տիեզերական հետազոտությունների և այլ ոլորտներում համագործակցությանը վերաբերող մի շարք հարցեր: ԵՏՀ խորհրդի նիստին հաստատվել է Եվրասիական տնտեսական բարձրագույն խորհրդի հաջորդ նիստի օրակարգի նախագիծը:
