16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Հոնկոնգում բնակելի համալիրում խոշոր հրդեհի հետևանքով 13 մարդ է զոհվել․ ՏԵՍԱՆՅՈՒԹ
Քաղաքականություն
26.11.2025 | 17:45
Հոնկոնգի Թայ Պո բնակելի թաղամասում խոշոր հրդեհի հետևանքով զոհվել է 13 մարդ, այդ թվում՝ մեկ հրշեջ, առնվազն 15-ը ծանր վիրավորվել է, գրում է South China Morning Post-ը։
Չորեքշաբթի Վան Ֆուկ դատարանի շենքի մոտ գտնվող վայրում ծխի հսկայական ամպեր են նկատվել։ Հրդեհն արագորեն տարածվել է առնվազն չորս թաղամասում և, ի վերջո, ամբողջ բնակելի համալիրում։ Ոստիկանությունը հայտարարել է, որ բազմաթիվ հաղորդագրություններ է ստացել շենքում մնացած մարդկանց մասին, որտեղից սկսվել է հրդեհը։ Նրանց թվում են տղամարդ և կին, որոնք, ըստ հաղորդումների, անգիտակից վիճակում են։
Դեպքի վայրից կադրերում երևում է, թե ինչպես են շենքի մի քանի բնակարանների մոտ գտնվող բամբուկե կառույցները բռնկվում, իսկ կանաչ կառույցների այրվող հատվածներն ընկնում են գետնին։
Հաղորդվում է, որ ընդհանուր առմամբ, մոլեգնող հրդեհի դեմ պայքարին ներգրավվել է 128 հրշեջ մեքենա, 57 շտապօգնության մեքենա, 767 հրշեջ և 400 ոստիկան։
Թարգմանությունը՝ Էմմա Չոբանյանի
