27.06.2026 | 17:23
Իշխան Զաքարյանի հետ հաշտության համաձայնությունը հաստատվել է. պետությանը կվերադարձվի 304,5 մլն դրամ
Որտեղ է թմրանյութը․ պաշտպանը պահանջում է դատարան ներկայացնել իրեղեն ապացույցը․ ՏԵՍԱՆՅՈՒԹ
Հասարակություն
26.11.2025 | 17:15
Երևանի ընդհանուր իրավասության դատարանում այսօր քննվում էր թմրանյութի իրացման ենթադրյալ դեպքով գործը, որի ընթացքում գործով մեղադրյալի փաստաբան Ինգա Ավագյանը հարց բարձրացրեց, թե որտեղ է գործով իրեղեն ապացույց թմրանյութը։
Փաստաբանի խոսքով՝ նախագահող դատավոր Վահե Ջիվանյանը երրորդ դատավորն է, որը քննում է Քոսոյանի վերաբերյալ գործն առաջին ատյանի դատարանում, սակայն որևէ դատարանում գործի քննության ընթացքում իրեղեն ապացույց թմրանյութը չի հետազոտվել։
Դատավոր Վահե Ջիվանյանը հայտնեց, որ թմրանյութը գործի հետ դատարան չի ուղարկել, իսկ հանրային մեղադրողը պարզաբանեց, որ նույն թմրանյութը այլ գործով ևս իրեղեն ապացույց է և գտնվում է այլ գործի նյութերում։
Ինգա Ավագյանը, սակայն արձանագրեց, որ, փաստացի, դատարանը հասել է իրեղեն ապացույցների հետազոտման փուլին, սակայն արդեն մի քանի դատական նիստ է, որ իրեղեն ապացույցը չի ներկայացվում դատարան։
Նշենք, որ մեղադրյալ Ներսես Քոսոյանը մինչ այս մեղադրվել ու դատապարտվել է թմրանյութի ապօրինի շրջանառության վերաբերյալ մեկ այլ գործով։ Նա պատիժ կրելիս է եղել, երբ դատարանում այսօր քննվող գործով 2020-ին մեղադրյալ է ներգրավվել։ Նրա պատժի կրման ժամկետի ավարտից մեկ օր առաջ այս գործով կալանքը որպես խափանման միջոց կիրառելու միջնորդություն է ներկայացվել, և նա կալանավորվել է։
Մանրամասները՝ տեսանյութում։
Արաքս Մամուլյան
