31.10.2026 | 15:35
Առաջիկա օրերին հանրապետության առանձին շրջաններում անձրև կտեղա
Ադրբեջանով դեպի Հայաստան տարանցման մանրամասները կպարզաբանվեն մինչև տարեվերջ․ «Ռուսական երկաթուղիներ»
Քաղաքականություն
26.11.2025 | 15:46
Ադրբեջանի տարածքով դեպի Հայաստան տարանցիկ ճանապարհի բացումը ստեղծում է լրացուցիչ լոգիստիկ հնարավորություններ։ Այս մասին ադրբեջանական Report գործակալությունն ասել է «Ռուսական երկաթուղիներ» ընկերության գլխավոր տնօրենի առաջին տեղակալ Սերգեյ Պավլովը։
Նրա խոսքով՝ չնայած գործընթացի նոր բնույթին, առաջին փորձնական բեռնափոխադրումն արդեն իրականացվել է։
«Արդյունքները ցույց են տվել, որ այս երթուղին ամենաարդյունավետ տարբերակներից մեկն է բեռնափոխադրողների և հաճախորդների համար»,- նշել է նա։
Պավլովն ընդգծել է՝ կողմերն այժմ աշխատում են բեռների տեսակների որոշման ուղղությամբ՝ արտահանման, ներմուծման և տարանցման շրջանակներում։
«Այս գործընթացը բարդ է և պահանջում է համաձայնեցման որոշակի փուլեր։ Բայց այն արդեն ակտիվ փուլում է»,- հայտարարել է «Ռուսական երկաթուղիներ» ընկերության ներկայացուցիչը։
Նա հավելել է, որ նախօրեին այդ հարցի շուրջ կողմերի համատեղ նիստ է տեղի ունեցել։ Սպասվում է, որ բոլոր մանրամասները կհստակեցվեն ու կպարզաբանվեն մինչև այս տարվա վերջ։
«Վստահ եմ, որ դրա ավարտին մենք կկարողանանք հստակ սահմանել այս երթուղով այդ ուղղությամբ տեղափոխվող բեռների կատեգորիաները և ծավալները»,- հայտարարել է Պավլովը։
Թարգմանությունը՝ Էմմա Չոբանյանի
