29.07.2026 | 15:39
Պետբյուջեից 24 մլն դրամ՝ Փաշինյանի հովանու ներքո հեծանվային արշավ կազմակերպելու համար
Ադրբեջանը, Իրանն ու ՌԴ-ն փոխըմբռնման հուշագիր են ստորագրել
Քաղաքականություն
26.11.2025 | 17:24
Ադրբեջանի, Իրանի և Ռուսաստանի միջև փոխըմբռնման հուշագիր է ստորագրվել Բաքվում անցկացվող երկաթուղային տրանսպորտի հարցերով ԱՊՀ խորհրդի 83-րդ նիստի շրջանակում։ Ադրբեջանական լրատվամիջոցների փոխանցմամբ՝ հուշագրի ստորագրումը կարևոր քայլ կլինի երկարաժամկետ եռակողմ համագործակցության զարգացման և Հյուսիս-Հարավ երթուղու արևմտյան հատվածի արդյունավետության բարձրացման գործում։
Հուշագիրը ստորագրել են «Ադրբեջանի երկաթուղիներ» ընկերության գլխավոր տնօրեն Ռովշան Ռուստամովը, «Ռուսական երկաթուղիներ» ընկերության գլխավոր տնօրեն և վարչության նախագահ Օլեգ Բելոզերովը և «Իրանի երկաթուղիներ» ընկերության գլխավոր տնօրեն Ջաբար Ալի Զաքերին։
Փաստաթուղթը նախատեսում է մաքսատուրքերի մոտեցումների համաձայնեցում, միասնական համապարփակ սակագնի ձևավորում, կանոնավոր բլոկային գնացքների գործարկում և տրանսպորտային ընթացակարգերի կատարելագործում։ Նշվում է, որ այս մեխանիզմների ներդրումը կստեղծի ավելի կանխատեսելի, ավելի արագ և ծախսարդյունավետ լոգիստիկ շղթա Ռուսաստանի, Ադրբեջանի և Իրանի միջև։
Ընդհանուր առմամբ, այս համաձայնագիրն ամրապնդում է կողմերի դիրքերը որպես միջազգային տրանսպորտային միջանցքների հուսալի մասնակիցներ և ստեղծում է բարենպաստ պայմաններ տարածաշրջանում տարանցիկ հոսքերի կայուն աճի համար։
Թարգմանությունը՝ Էմմա Չոբանյանի
