09.06.2026 | 11:58
Քննարկվում են վերահաշվարկի դիմումները․ ՈՒՂԻՂ
Ֆրանսիայում լրտեսության կասկածանքով 4 անձ է ձերբակալվել, այդ թվում՝ երկու ռուսաստանցի
Քաղաքականություն
26.11.2025 | 16:56
Ֆրանսիական ոստիկանությունն օտարերկրյա պետության օգտին լրտեսություն կատարելու կասկածանքով ձերբակալել է չորս անձի, որոնցից երկուսը Ռուսաստանի քաղաքացիություն ունեն։ Այս մասին հայտարարել է Փարիզի դատախազը, գրում է Reuters-ը։
Դատախազությունը նույնականացրել է անձանցից մեկին՝ Աննա Ն․-ին, որն ունի Ֆրանսիայի և Ռուսաստանի կրկնակի քաղաքացիություն և հունվարից գտնվում է Ֆրանսիայի ներքին հետախուզության DGSI գործակալության հսկողության տակ՝ ենթադրությամբ, որ հետախուզական տվյալներ է հավաքում։
«Մասնավորապես, նա կասկածվում է տարբեր ֆրանսիական ընկերությունների ղեկավարների հետ կապվելու մեջ՝ Ֆրանսիայի տնտեսական շահերի վերաբերյալ տեղեկատվություն ստանալու համար»,- ասվում է դատախազի հայտարարությունում։
Չի նշվում, սակայն, թե որ երկրի համար են չորս անձինք, ենթադրաբար, լրտեսել։ Ըստ տարբեր լրատվամիջոցներում տեղեկությունների՝ նրանք ձերբակալվել է Ռուսաստանի օգտին լրտեսություն կատարելու կասկածանքով։
Մյուս կասկածյալները նույնականացվել են որպես Վենսան Պ. և Բեռնար Ֆ., որոնք ծնվել են Ֆրանսիայում, ինչպես նաև Վյաչեսլավ Պ․, որը Ռուսաստանի քաղաքացի է։
Ըստ դատախազության՝ Աննա Ն.-ն հիմնադրել է Ֆրանսիայում գործող SOS Donbass միությունը, որի կայքում նշվում է, որ պայքարում է Եվրոպայի ու Ռուսաստանի միջև կապերի ամրապնդման և Ուկրաինա զենքի մատակարարումների դադարեցման համար։ Այն հաճախ քարոզչական պաստառներ է փակցնում հասարակական վայրերում։ Աննային սպառնում է մինչև 45 տարվա ազատազրկում և 600,000 եվրոյի չափով տուգանք՝ պատմական ժառանգության վայրերին վնաս հասցնելուց մինչև հանցակցություն, կազմակերպված հանցագործություն, լրտեսություն և օտարերկրյա պետության համար հետախուզություն իրականացնելու մեղադրանքներով։
Մյուսներին նույնպես սպառնում են բանտարկություն և տուգանքներ՝ նմանատիպ մեղադրանքներով։
Թարգմանությունը՝ Էմմա Չոբանյանի
