Կարող է լինել հենց զինված ստորաբաժանման մասնակցություն, դրանից չպետք է վախենալ, ձեռքբերում է․ Եղոյան․ ՏԵՍԱՆՅՈՒԹ

«Կցանկանայի շատ ուղիղ ասել՝ կարող է և լինի հենց ռազմական, հենց զինված ստորաբաժանման մասնակցություն, ինչպես որ մենք ունեցել ենք այլ առաքելությունների շրջանում։ Դրանից պետք է ոչ թե վախենալ, այլ ընդհակառակը՝ ներկայացնել որպես ձեռքբերում՝ և՛ քաղաքական իմաստով, և՛ ռազմական ուսուցման իմաստով»,- հայտարարեց ԱԺ Եվրոպական ինտեգրման հարցերի հանձնաժողովի նախագահ Արման Եղոյանը։

Ըստ Եղոյանի՝ պետք է ուրախ լինել, որ ոչ միայն ԵՄ-ից օգնություն ենք խնդրում, այլ նաև մենք աջակցում ենք ԵՄ առաքելություններին այլ տեղերում։

«Բա հիմա, երբ որ մեզ էր պետք օգնություն, այդ պետությունները իրենց ծախսով եկել են և օգնում են մեզ, չէ՞, արդեն երրորդ, չորրորդ տարին է լրանում Եվրամիության դիտորդական առաքելության։ Միլիոնավոր դոլարներ են ծախսում մեր խնդրանքով մեր պետության տարածքում տեղակայված առաքելության վրա, հլը այնտեղ բացի Եվրամիությունից էլի պետություններ են միացել։ Այսինքն՝ մեզ մեր նեղ, այսպես ասած, օրին իրենք հասել են, մեզ աջակցել են։ Հիմա ի՞նչ վատ բան կա նրանում, որ որևէ այլ առաքելության, որևէ այլ տեղ Եվրամիության մանդատով, բնականաբար՝ այդ պետության, այնտեղ, որտեղ որ այն տեղակայված է լինելու, այդ պետության համաձայնությամբ մենք մեր աջակցությունը ցուցաբերենք էդ առաքելությանը։ Սա կարծում եմ, որ միայն լավ բանի մասին է խոսում և միայն կարելի է որպես ձեռքբերում ներկայացնել։ Եվ ամենևին ընդհանրապես չխորշել, նույնիսկ եթե ռազմական կոմպոնենտից ենք խոսում»,- ասաց Արման Եղոյանը։

Մանրամասները՝ տեսանյութում։