06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ուկրաինական ԱԹՍ-ները հարձակվել են Չեբոքսարիի վրա․ հարված է հասցվել էլեկտրասարքավորումներ արտադող ձեռնարկության․ ՏԵՍԱՆՅՈՒԹ
Քաղաքականություն
26.11.2025 | 14:20
Ուկրաինական անօդաչու սարքերը նոյեմբերի լույս 26-ի գիշերը հարձակվել են Չեբոքսարի քաղաքի վրա, հայտնել է Չուվաշիայի Հանրապետության ղեկավար Օլեգ Նիկոլաևը։ Նրա խոսքով՝ հարձակման հետևանքով վնասվել է երկու բնակելի շենք, գրում է Meduza-ն։
Նիկոլաևը հավելել է, որ վիրավորվել են տեղի երկու բնակիչներ, որոնցից մեկը դեռահաս է։ Այլ մանրամասներ նա չի հայտնել։
Astra տելեգրամ ալիքի հաղորդմամբ՝ անօդաչու թռչող սարքերը հարվածել են էլեկտրական սարքավորումներ արտադրող «ВНИИР-Прогресс» գործարանին, ինչպես նաև 12 հարկանի բնակելի շենքի։ Ուկրաինական Exilenova+ տելեգրամ ալիքը նույնպես հայտնել է «ВНИИР-Прогресс»-ի վրա հարձակման մասին։
Այս գործարանն ավելի վաղ արդեն ենթարկվել է ուկրաինական անօդաչու թռչող սարքերի հարձակման: Ուկրաինայի զինված ուժերի գլխավոր շտաբը հայտարարել էր, որ ձեռնարկությունն արտադրում է «Կոմետա» ալեհավաքներ, որոնք օգտագործվում են անօդաչու թռչող սարքերում և կառավարվող ավիառումբերի մոդուլներում:
Թարգմանությունը՝ Էմմա Չոբանյանի
