29.06.2026 | 14:53
Գալուզինը պնդում է, թե ԵՄ-ին Հայաստանի անդամակցության գործընթացը սկսվել է
Բաքվում ԽՍՀՄ դրոշներով երթի կազմակերպիչներ են ձերբակալվել․ ՏԵՍԱՆՅՈՒԹ
Քաղաքականություն
26.11.2025 | 21:57
Ադրբեջանում մի խումբ անձինք ԽՍՀՄ դրոշներով երթ են նախաձեռնել՝ կոմունիստական գաղափարախոսություն տարածելու համար։ Ադրբեջանի ՆԳՆ մամուլի ծառայությունից հայտնել են, որ երթի կազմակերպիչները՝ Աբդուլլահ Իբրահիմլին, Իբրահիմ Ասադլին, ինչպես նաև երթի մյուս մասնակիցները հայտնաբերվել և ձերբակալվել են, նրանց նկատմամբ քրեական գործեր են հարուցվել։
Հետաքննությունը պարզել է, որ նշված անձինք գրասենյակ են վարձակալել են և «գործել են որպես խումբ՝ մեկ այլ պետության աջակցությամբ և ֆինանսավորմամբ, և պարբերաբար հանդիպումներ են ունեցել»։ Այս անձանց բնակարանների և գրասենյակի խուզարկության ժամանակ հայտնաբերվել և առգրավվել են կոմունիստական գաղափարախոսությունը տարածող բազմաթիվ նյութեր, դրոշներ, արմատական գաղափարներ տարածող գրքերի պատճեններ, CD-ներ և այլ էլեկտրոնային սարքեր։ Քննչական գործողությունները շարունակվում են։
Ադրբեջանական լրատվամիջոցները նաև հայտնում են, որ նոր փաստեր են ի հայտ եկել Իբրահիմ Ասադլիի մասին, որը մեղադրվում է Բաքվում ԽՍՀՄ դրոշով երթ կազմակերպելու և սոցիալական ցանցերում կոմունիստական գաղափարախոսություն տարածող տեսանյութեր հրապարակելու մեջ։
Իբրահիմ Ասադլին ուռուցքաբան է։ Նրա աշխատավայրում խուզարկության ժամանակ ոստիկանները հայտնաբերել են կոմունիստական պարագաներ, այդ թվում՝ Լենինի կիսանդրին և Չե Գևարայի դիմանկարները։ Նշվում է, որ Ասադլին նախկինում ևս գրավել է իրավապահ մարմինների ուշադրությունը. նրան մեղադրում էին իր կնոջ նկատմամբ մեկ այլ կնոջ մասնակցությամբ բռնություն գործադրելու մեջ։
Թարգմանությունը՝ Էմմա Չոբանյանի
