28.04.2026 | 15:55
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
ՌԴ-Ուկրաինա ուղիղ բանակցություններ կարող են տեղի ունենալ Ստամբուլում․ Էրդողան
Քաղաքականություն
26.11.2025 | 13:49
Թուրքիայի նախագահ Ռեջեփ Թայիփ Էրդողանը մասնակցել է Ուկրաինայի հարցով Կամավորների կոալիցիայի առաջնորդների առցանց հանդիպմանը։ Անադոլու գործակալության հաղորդմամբ՝ հանդիպման ժամանակ քննարկվել են Ուկրաինայի և Ռուսաստանի միջև պատերազմի վերջին զարգացումները, պատերազմը դադարեցնելու քայլերը և խաղաղության հասնելու ջանքերը։
«Հանդիպման ժամանակ նախագահը հայտարարել է, որ Թուրքիան կշարունակի դիվանագիտական ջանքերը՝ կողմերի միջև ուղիղ շփումները խթանելու համար՝ արդար և երկարատև խաղաղության հասնելու նպատակով։ Նախագահ Էրդողանը հայտարարել է, որ կողմերի միջև ուղիղ բանակցություններ կարող են տեղի ունենալ Ստամբուլում։ Թուրքիան այդ նպատակով կապեր է պահպանում Ուկրաինայի և Ռուսաստանի հետ»,- նշել է Թուրքիայի նախագահի աշխատակազմի հաղորդակցության վարչության ղեկավար Բուրհանեթթին Դուրանը։
Էրդողանը նաև կարծիք է հայտնել, որ էներգետիկայի և նավահանգստային ենթակառուցվածքների վրա հարձակումների դադարը կարող է բարենպաստ հիմք հանդիսանալ կողմերի միջև համապարփակ խաղաղության համաձայնագրի շուրջ բանակցությունների համար։
35 երկրների ներկայացուցիչների մասնակցությամբ հանդիպմանը մտքեր են փոխանակվել երկարատև խաղաղության հասնելու համար անհրաժեշտ միջոցառումների վերաբերյալ։
Թարգմանությունը՝ Էմմա Չոբանյանի
