09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մոլդովայի օդային տարածք են ներխուժել 6 ռուսական դրոններ, երկուսն էլ՝ Ռումինիայի տարածք
Քաղաքականություն
25.11.2025 | 14:19
2025 թվականի նոյեմբերի լույս 25-ի գիշերը՝ Ուկրաինայի վրա գիշերային հարձակման ժամանակ, անօրինական կերպով Մոլդովայի ու Ռումինիայի օդային տարածքներ են ներխուժել ռուսական դրոններ, 6-ը՝ Մոլդովա, 2-ը՝ Ռումինիա։
Մոլդովայի իշխանությունների պաշտոնական տելեգրամ ալիքի հաղորդագրության համաձայն՝ անօդաչու սարքերից մեկը բախվել է Ֆլորեշտի շրջանի Նիժնի Ցուհուրեշտի գյուղի տներից մեկի տանիքին։ Երկրի սահմանային ծառայությունը պարզաբանել է, որ անօդաչու թռչող սարքերը «Շահեդ» են եղել։ Նշվում է, որ առաջին ԱԹՍ-ն հայտնաբերվել է Վինոգրադովցա-Վուլկանեշտի բնակավայրերում, որն ապա շարժվել Ռումինիայի հետ պետական սահմանի ուղղությամբ։
Անօդաչու թռչող սարքը հատել է օդային տարածքը մոտավորապես 1500 մետր բարձրության վրա։
Հետագայում, հինգ այլ անօդաչու թռչող սարքեր են նկատվել Դոնդուշենի, Օրհեյ, Բենդեր, Վադուլ լույ Վոդա և Ֆլորեշտի բնակավայրերի օդային տարածքներում։
Ռումինիայի ազգային պաշտպանության նախարարությունը հայտնել է, որ նոյեմբերի 25-ի առավոտյան Ուկրաինայից Ռումինիայի օդային տարածք են մտել երկու անօդաչու թռչող սարքեր։ Նշվում է, որ Կոգալնիչեանու ավիաբազայից օդ են բարձրացել երկու գերմանական Eurofighter Typhoon ինքնաթիռներ՝ իրավիճակը վերահսկելու համար։
Թարգմանությունը՝ Էմմա Չոբանյանի
