19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
ՆԱՏՕ-ի գլխավոր քարտուղարը մտահոգություն է հայտնել Վրաստանում տիրող իրավիճակի կապակցությամբ
Քաղաքականություն
25.11.2025 | 13:40
Եվրատլանտյան տարածքի ցանկացած երկիր, որը կարող է նաև դառնալ ՆԱՏՕ-ի անդամ, կարող է արտահայտել իր ցանկությունը, որից հետո կա որոշակի գործընթաց։ Իհարկե, ես պատրանքներ չունեմ Վրաստանում կատարվողի վերաբերյալ։ «Ազատ Եվրոպա/Ազատություն» ռադիոկայանին տված հարցազրույցում այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն։
Նրա խոսքով՝ ՆԱՏՕ-ն համագործակցում է Վրաստանի հետ, որի շրջանակում կազմակերպությունը, մասնավորապես, մտահոգություն է հայտնում ստեղծված իրավիճակի վերաբերյալ։
«Մենք շատ մտահոգված ենք, և սա հստակեցրել ենք վրացական կողմին։ Մենք համագործակցում ենք նրանց հետ։ Ես կարծում եմ, որ համագործակցությունն ինքնին այժմ ծառայում է իր նպատակին՝ ապահովել ուղի, որի միջոցով մենք կարող ենք արտահայտել մեր մտահոգությունները։ Կա Վրաստանը, բայց մենք նաև տեսնում ենք, թե ինչ է կատարվում Հայաստանի և Ադրբեջանի միջև, որոնք, կարծես, շատ ավելի լավ վիճակում են գտնվում, այդ թվում՝ նախագահ Թրամփի ձեռնարկած գործողությունների շնորհիվ։ Հետևաբար, ես Վրաստանում ստեղծված իրավիճակը կդիտարկեի ամբողջ Հարավային Կովկասի համատեքստում»,- հայտարարել է ՆԱՏՕ-ի գլխավոր քարտուղարը։
Թարգմանությունը՝ Էմմա Չոբանյանի
