Տնտեսություն
25.11.2025 | 10:50«Բարձր ղեկավարության՝ մասնաճյուղի տնօրենների, գլխավոր տնօրենի և տեղակալների պարգևավճարների՝ վերջիններիս կամովին հրաժարվելու արդյունքում մի քանի տասնյակ միլիոն դրամի խնայողություններ ձևավորվեցին։ Եվ մենք հենց առաջին ամսվանից՝ իմ նշանակումից հետո, մինչև 200 հազար դրամ համախառն եկամուտ ունեցող ՀԷՑ-ի աշխատակիցներին՝ լրացուցիչ կառավարչի առանձին հրամանով, լրացուցիչ 20 հազար դրամ պարգևատրումներ սահմանեցինք»,- այս մասին վարչապետ Նիկոլ Փաշինյանի հետ աշխատանքային հանդիպման ժամանակ ասաց ՀԷՑ ժամանակավոր կառավարիչ Ռոմանոս Պետրոսյանը։
Ըստ նրա՝ հենց այս խնայողությունների արդյունքում, ավելի քան 1700 աշխատակից այսօր օգտվում է այդ ֆոնդից, ինչը նշանակում է միջինացված 10-ից մինչև 20 տոկոս բարձրացում.
«Սա այս պահին շարունակական է, քանի դեռ մենք չենք կարողանում դրույքաչափերի և հաստիքացուցակների վերանայում անել, քանի որ այդ լիազորությունը վերապահված է Տնօրենների խորհրդին։ Քանի դեռ այդ լիազորությունը մենք չունենք և սեփականատիրոջ փոփոխություն տեղի չի ունեցել, մենք մեր այդ քայլով 10-ից 20 տոկոս բարձրացրել ենք այդ սեգմենտի աշխատակիցների աշխատավարձերը։ ՀԷՑ-ի շուրջ 6800 աշխատակիցներից ուղիղ կեսը՝ 3400 մոտ աշխատակիցներ, վարձատրվում են 300,000 դրամից ցածր չափով։ Իսկ նրանցից ավելի քան 1700-ը չեն հաղթահարում 200,000-ի շեմը։ Եվ ահա ամենախոցելի, այսպես, սոցիալական այդ շերտին մենք լրացուցիչ 20 հազար դրամական ամսական, միանվագ պարգևատրումներ ենք անում»,- մանրամասնեց Պետրոսյանը։
Մանրամասները՝ տեսանյութում։
