30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ուկրաինական շուրջ 250 ԱԹՍ-ներ գրոհել են ՌԴ-ի հարավն ու բռնակցված Ղրիմը․ զոհեր և վիրավորներ կան․ ՏԵՍԱՆՅՈՒԹ
Քաղաքականություն
25.11.2025 | 10:47
Ռուսաստանի ՊՆ-ն հայտնել է, որ նոյեմբերի լույս 25-ի գիշերը Ռուսաստանի տարածքի ու բռնակցված Ղրիմի վրա վրա խոցվել է 249 ուկրաինական անօդաչու թռչող սարք։ Meduza-ի փոխանցմամբ՝ Սև ծովի վրա ոչնչացվել է 116 անօդաչու թռչող սարք, Կրասնոդարի երկրամասի՝ 76, Ղրիմի վրա՝ 23, Ռոստովի մարզի՝ 16, Բրյանսկի մարզի՝ յոթ, Կուրսկի և Ազովի ծովի՝ չորսական, Բելգորոդի մարզի վրա՝ երկուական, Լիպեցկի մարզի վրա՝ մեկ ԱԹՍ։
Տագանրոգում անօդաչուի հարձակման հետևանքով զոհվել է երեք մարդ, հայտնել է Ռոստովի մարզի նահանգապետ Յուրի Սլյուսարը։ Քաղաքի և մարզի Նեկլինովսկի շրջանի 10 բնակիչ վիրավորվել է։ Տարածաշրջանում վնասվել են արտադրական, հասարակական օբյեկտներ, չորս բազմաբնակարան շենք, 12 մասնավոր տուն և չորս ավտոմեքենա։
Astra տելեգրամ ալիքի փոխանցմամբ՝ Տագանրոգում հրդեհ է բռնկվել Բերիևի անվան ավիաշինական ընկերության մոտակայքում գտնվող թռիչքուղու մոտ։
Կրասնոդարի երկրամասը ենթարկվել է Ուկրաինայի կողմից իրականացված ամենաերկարատև և զանգվածային հարձակումներից մեկին, հայտարարել է տարածաշրջանի ղեկավար Վենիամին Կոնդրատևը։ Երկրամասի վեց բնակիչ վիրավորվել է, հինգ համայնքներում առնվազն 20 տուն է վնասվել։ Նովոռոսիյսկում չորս մարդ հոսպիտալացվել է բեկորային վնասվածքներով։ Այս մասին հայտարարել է քաղաքապետ Անդրեյ Կրավչենկոն։ Նրա խոսքով՝ Գելենջիկի Կաբարդինկա գյուղում մի քանի մասնավոր տներ են վնասվել, մեկ մարդ հոսպիտալացվել է։
Թարգմանությունը՝ Էմմա Չոբանյանի
