16.04.2026 | 17:17
Հոկեյի Շվեյցարիայի հավաքականի գլխավոր մարզիչին հեռացրել են փաստաթղթեր կեղծելու համար
Սանդրո Պերկովիչ․ Քանի դեռ մրցավարությունն ու լիգան այս մակարդակում են, հայկական ֆուտբոլը չի զարգանա․ ՏԵՍԱՆՅՈՒԹ
24.11.2025 | 17:36
Հայաստանի չեմպիոն ու գավաթակիր «Նոայի» գլխավոր մարզիչ Սանդրո Պերկովիչը Fastex Պրեմիեր լիգայի 14-րդ տուրում «Ալաշկերտի» հետ ոչ-ոքիից հետո խոսել է հայկական ֆուտբոլի խնդիրների մասին։
«Հայաստանն ունի տաղանդավոր երեխաներ, հրաշալի ֆուտբոլիստներ, լավ մարզիչներ: Հայկական ֆուտբոլի խնդիրներն ամենևին նրանց պատճառով չեն: Խնդիրն այլ տեղ է. քանի դեռ մրցավարությունն ու լիգան այս մակարդակում են, հայկական ֆուտբոլը չի զարգանա:
Մրցավարությունը սպանում է հայկական ֆուտբոլը: Դա իմ համար չեմ ասում, այլ հայկական ֆուտբոլի գալիք սերնդի, որոնք իսկապես ունեն ապագա»,- ասել է խորվաթ մասնագետը։
«Նոա» – «Ալաշկերտ» խաղն ավարտվել է 2։2 հաշվով։ Այդ հանդիպման գլխավոր մրցավարը նշանակել է 11-մետրանոց 3 հարված, երկուսը՝ «Նոայի» դարպասին։ Բացի այդ, դաշտի տերերը 21-րդ րոպեին ստացել են նաև կարմիր քարտ։
