11.09.2026 | 15:27
ԵՄ հատուկ ներկայացուցիչը կայցելի Հայաստան
Կասեցվել է «Վանանդ կաթի» կաթնամթերքի արտադրամասի առանձին գործառույթը
24.11.2025 | 16:26
ՍԱՏՄ-ից հայտնում են, որ Սննդամթերքի անվտանգության տեսչական մարմնի ղեկավարի որոշմամբ՝ կասեցվել է «Վանանդ կաթ» ՍՊԸ-ին պատկանող կաթնամթերքի արտադրամասի արտադրական գործունեության առանձին գործառույթը՝ «Կաթ պարունակող մթերք՝ կաթնայուղի փոխարինիչով, պատրաստված աղաջրային պանրի տեխնոլոգիայով» արտադրատեսակի արտադրությունը (քաղաք Արմավիր, Շահումյան փողոց):
«Կասեցման հիմքը լաբորատոր փորձաքննության արդյունքն է, համաձայն որի՝ տվյալ արտադրատեսակի 05.11.2025 թ. և 10.11.2025 թ. արտադրված նմուշները Մաքսային միության տեխնիկական կանոնակարգով սահմանված նորմերին չեն համապատասխանել կաթնայուղի զանգվածային մաս ցուցանիշով. կաթնայուղի զանգվածային մասն արձանագրվել է 1-5%, հետևաբար, այն համարվում է վտանգավոր և կեղծված սննդամթերք:
Խախտումների վերացման համար սահմանվել է ժամկետ:
Ի ԳԻՏՈՒԹՅՈՒՆ. Մաքսային միության «Կաթի և կաթնամթերքի անվտանգության մասին» 033/2013 տեխնիկական կանոնակարգի պահանջով՝ «կաթնային ճարպի փոխարինիչով կաթ պարունակող մթերք»-ում կաթնային ճարպը բացառապես կաթնային ճարպի փոխարինիչով կարելի է փոխարինել միայն 50 տոկոսից ոչ ավելի քանակությամբ»,- ասված է հաղորդագրությունում:
