19.05.2026 | 18:51
Բելառուսը մտադիր է մասնակցել Արցախի տարածքներում նախագծերին
Մասկի նախաձեռնությամբ ստեղծված DOGE-ը փաստացի դադարեցրել է գործունեությունը
Քաղաքականություն
24.11.2025 | 16:35
ԱՄՆ Կառավարության արդյունավետության դեպարտամենտը (DOGE), որը ստեղծվել էր հունվարին ամերիկացի գործարար Իլոն Մասկի նախաձեռնությամբ, փաստացի այլևս չի գործում: Այս մասին հաղորդում է Reuters-ը՝ հղում անելով ԱՄՆ կադրերի կառավարման վարչության (OPM) տնօրեն Սքոթ Կուպորին, գրում է The Insider-ը։
«Այն գոյություն չունի»,- ասել է նա գերատեսչության կարգավիճակի մասին հարցին ի պատասխան՝ ընդգծելով, որ DOGE-ը դադարել է լինել «կենտրոնացված կառույց»։
DOGE-ի որոշ գործառույթներ փոխանցվել են OPM-ին: Կուպորը նաև հայտարարել է՝ պետական մարմիններում «այլևս չկա կրճատումների նպատակ»:
Ավելի վաղ Washington Post-ը հայտնել էր, որ DOGE-ին զրկել են պետական դրամաշնորհների դիմումների վերանայման նկատմամբ ուղղակի վերահսկողությունից, և նրա աշխատակիցները վերաբաշխվել են դաշնային գործակալությունների միջև, որտեղ կշարունակեն մասնակցել գործընթացին նոր կարգավիճակով։
ABC-ի տվյալներով՝ Մասկի ղեկավարության ներքո աշխատողների շրջանում մտահոգություններ են առաջացել քաղաքական դրդապատճառներով աուդիտների ռիսկի և աշխատանքի անորոշության վերաբերյալ՝ գործարարի և ԱՄՆ նախագահ Դոնալդ Թրամփի միջև հակամարտության ֆոնին։
Թարգմանությունը՝ Էմմա Չոբանյանի
