19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
Հաջիևի ասածներից հասկացա, որ ինքն էլ պատրաստ է հանդիպել հայկական ԶԼՄ-ների հետ․ Նավասարդյան․ ՏԵՍԱՆՅՈՒԹ
Քաղաքականություն
24.11.2025 | 14:00
«Ես կարծում եմ, որ շատ կարևոր բեկում է այս մեր փոխադարձ այցելությունները, չնայած ինձ համար դա արդեն հինգերորդ այցելությունն էր Բաքու կոնֆլիկտից հետո, բայց որպես երևույթ, այն, իհարկե, առաջինն էր»,-հրավիրված մամուլի ասուլիսի ժամանակ ասաց Երևանի մամուլի ակումբի պատվավոր նախագահ, քաղաքական վերլուծաբան Բորիս Նավասարդյանը։
Նշենք՝ «Խաղաղության կամուրջ» նախաձեռնության շրջանակներում Հայաստանից քաղաքացիական հասարակության ներկայացուցիչների խումբը մեկնել էր Բաքու` տեղում քաղհասարակության և իշխանության ներկայացուցիչների հետ հանդիպումներ ունենալու նպատակով։
«Եվ, միգուցե, դա նաև հնարավորություն կստեղծի, որ նաև պաշտոնական մակարդակով հանդիպումներ կլինեն Երևանում և Բաքվում, և, օրինակ, ես ակնհայտորեն զգացի Հիքմեթ Հաջիևի ասածներից, որ ինքն էլ է պատրաստ հանդիպել հայկական լրատվամիջոցների և հայկական հասարակության ներկայացուցիչների հետ։ Այսինքն, դրանք նորմալ, մարդկային խոսակցությունների համար շատ կարևոր հիմքեր են և հարթակներ են, որոնք պետք է զարգացնել, և առանց որոնց կոնֆլիկտի հաղթահարումը հնարավոր չէ»,-նշեց Նավասարդյանը։
Մանրամասները՝ տեսանյութում։
