11.09.2026 | 17:50
Բաքուն հայտարարում է, թե Ստեփանակերտում 28 հազար մարդ է բնակվում
Խարկովում ռուսական հարվածի հետևանքով 4 զոհ և ավելի քան 10 վիրավոր կա
24.11.2025 | 14:08
Ռուսական զորքերը նոյեմբերի 23-ի երեկոյան անօդաչու թռչող սարքերով զանգվածային հարված են հասցրել Խարկովին։ Չորս մարդ զոհվել է, 13-ը՝ վիրավորվել։ Այս մասին հայտնել է Խարկովի տարածաշրջանային ռազմական վարչակազմի ղեկավար Օլեգ Սինեգուբովը, գրում է Current time-ը։
Խարկովի քաղաքապետ Իգոր Տերեխովի խոսքով՝ վիրավորվել է 17 մարդ։
Սինեգուբովը հայտնել է, որ հարվածի թիրախը քաղաքի Շևչենկովսկի և Սալտովսկի շրջաններն են եղել։ Վիրավորների թվում կան երկու երեխա՝ 12-ամյա տղա և 11-ամյա աղջիկ։
Ուկրաինայի արտակարգ իրավիճակների պետական ծառայությունը հայտնել է, որ գիշերը ռուսական հարձակման հետևանքով հրդեհ է բռնկվել Չուգուևի շրջանի Մոսկալիվկա գյուղի գյուղատնտեսական ձեռնարկությունում: Այրվել է ֆերմա, սակայն հրդեհը մարվել է: Մեկ կին վիրավորվել է:
Չեռնիգովում անօդաչու թռչող սարք է ընկել մասնավոր հատվածի վրա: Քաղաքի ռազմական վարչակազմի ղեկավար Դմիտրի Բրիժինսկին հայտնել է, որ անօդաչուի անկման հետևանքով տուն է հրդեհվել, որի հետևանքով երկու մարդ այրվածքներ է ստացել։
Նոյեմբերի լույս 24-ի գիշերը Ռուսաստանը հարձակվել է Ուկրաինայի վրա 162 անօդաչու թռչող սարքերով։ Երկրի ռազմաօդային ուժերի հրամանատարության տվյալներով՝ ժամը 9:00-ի դրությամբ՝ հակաօդային պաշտպանության ուժերը խոցել են 125 անօդաչու թռչող սարք:
Թարգմանությունը՝ Էմմա Չոբանյանի
