09.10.2026 | 18:34
Պուտինը, Փաշինյանն ու Ալիևը Թուրքմենստանում 15 րոպեանոց չծրագրված հանդիպում են անցկացրել
ԱՄՆ ծրագրում չկան զիջումներ Կիևին, բայց կան շատ օգուտներ՝ Ռուսաստանի համար․ The Insider
Քաղաքականություն
23.11.2025 | 18:37
ԱՄՆ-ի կողմից առաջարկված ՌԴ-Ուկրաինա խաղաղ կարգավորման ծրագիրը գրեթե ոչ մի զիջում չի պարունակում Կիևի համար՝ համեմատած 2022 թվականի Ստամբուլյան համաձայնագրերի նախագծի հետ, բայց ներառում է տասնյակ նոր պահանջներ և շահեր Մոսկվայի համար։ Այդ մասին գրում է The Insider-ը, որը համեմատել է Ստամբուլյան բանակցությունների փաստաթղթերը և ԱՄՆ նախագահի հատուկ ներկայացուցիչ Սթիվ Ուիթքոֆի ու ՌԴ նախագահի խորհրդական Կիրիլ Դմիտրիևի մշակած 28 կետանոց նոր ծրագիրը։
Փաստաթղթերի վերլուծությունը ցույց է տվել, որ Ռուսաստանը պահպանել է Ստամբուլյան համաձայնագրերի բոլոր հիմնական պահանջները՝ ներառյալ Ուկրաինայի չեզոքությունը և ՆԱՏՕ-ին չմիանալու պարտավորությունը, օտարերկրյա ռազմական բազաների արգելքը, միջուկային զենք չունենալու պայմանը և ռուսերեն լեզվի պաշտպանության պարտավորությունը։ Միաժամանակ, լրագրողների գնահատմամբ, նոր «խաղաղության ծրագիրը» պարունակում է մի շարք դրույթներ, որոնք շահավետ են Մոսկվայի համար և որոնք չկային 2022 թվականի ապրիլին։
«Նոր ծրագիրը փաստացի լեգիտիմացնում է Ռուսաստանի բոլոր տարածքային բռնակցումները, այդ թվում՝ այն տարածքները, որոնք Մոսկվան այժմ էլ չի վերահսկում։ Ռուսաստանը ստանում է ամբողջ Դոնեցկի շրջանը, ներառյալ Կրամատորսկն ու Սլավյանսկը, ինչպես նաև պատժամիջոցների մեղմացում և տնտեսական արտոնություններ»,- ասված է հրապարակման մեջ։
«Միևնույն ժամանակ, Ուկրաինան չի ստանում իրական անվտանգության երաշխիքներ՝ միայն ԱՄՆ-ի կողմից պայմանական խոստումներ՝ փոխհատուցման պահանջներով և բազմաթիվ հիմքերով այդ երաշխիքները չեղարկելու համար»։
ԱՄՆ նախագահ Դոնալդ Թրամփը նոյեմբերի 22-ին բացասական պատասխան է տվել հարցին՝ արդյոք Ուկրաինային ներկայացված խաղաղության ծրագիրը վերջնական է, թե ոչ, չնայած նախօրեին նա հայտնել էր, որ նոյեմբերի 27-ը «հարմար ժամկետ» է, որպեսզի Ուկրաինան համաձայնի առաջարկին։
Փաստաթուղթը պաշտոնապես դեռ չի հրապարակվել։
ՌԴ նախագահ Վլադիմիր Պուտինը հայտարարել է, որ այս առաջարկը կարող է հիմք դառնալ պատերազմի կարգավորման համար, իսկ արևմտյան առաջնորդները կոչ են արել կատարելագործել նախագիծը։ Փաստաթուղթը կքննարկվի ԵՄ, ԱՄՆ ու Ուկրաինայի ներկայացուցիչների հանդիպմանը, որը ընթանում է Ժնևում։
