06.12.2025 | 13:22
Գուգարաց թեմի քահանաները հանդես են եկել հայտարարությամբ՝ ի պաշտպանություն Գարեգին Բ կաթողիկոսի
Գազայի հատվածում ոչնչացվել է ՀԱՄԱՍ-ի հրամանատարը․ Իսրայելի բանակ
Քաղաքականություն
23.11.2025 | 15:35
Կիրակի՝ նոյեմբերի 23-ին, Իսրայելը հաղորդել է Գազայի հատվածում պաղեստինյան ռադիկալ ՀԱՄԱՍ շարժման տեղական հրամանատարներից մեկի լիկվիդացման մասին։ Իսրայելի բանակի հայտարարության մեջ նշվում է, որ սպանվել է Ալաա ալ-Հադիդին՝ ՀԱՄԱՍ-ի արտադրական շտաբի մատակարարման ծառայության ղեկավարն։ Նա ոչնչացվել է Գազայի ամբողջ հատվածում իրականացվող գործողություններից մեկի ընթացքում՝ շաբաթ օրը, փոխանցում է DW-ն։
ՀԱՄԱՍ-ը հայտարարություն չի արել ալ-Հադիդիի մահվան մասին հաղորդումների վերաբերյալ։ Միևնույն ժամանակ Իսրայելը և պաղեստինյան խմբավորումը շարունակվում են փոխադարձ մեղադրանքներ ներկայացնել հրադադարի ռեժիմի խախտման համար։
Ավելի վաղ Իսրայելի բանակը ավիահարվածներ էր հասցրել Գազայի հատվածին։ Իսրայելի վարչապետ Բենիամին Նեթանյահուն հայտարարել է, որ հարվածները պատասխան էին ՀԱՄԱՍ-ի կողմից Իսրայելի վերահսկողության տակ գտնվող տարածք ուղարկված մի զինյալի գործողությանը։
Նեթանյահուի խոսքով՝ ոչնչացվել են ՀԱՄԱՍ-ի հինգ բարձրաստիճան անդամներ։ Իսկ ՀԱՄԱՍ-ի վերահսկողության տակ գտնվող Գազայի առողջապահության մարմինների տվյալներով՝ իսրայելական հարվածների հետևանքով զոհվել է առնվազն 20 պաղեստինցի։
Եվրամիության և ԱՄՆ-ի կողմից ահաբեկչական կազմակերպություն ճանաչված ՀԱՄԱՍ շարժման հարձակումը Իսրայելի վրա 2023 թվականի հոկտեմբերի 7-ին դարձավ Մերձավոր Արևելքում հակամարտության սրման մեկնակետ։ Այդ օրը զինյալները հրթիռակոծեցին Իսրայելը, ներխուժեցին նրա տարածք և իրականացրին ժամանակակից իսրայելական պատմության մեջ խաղաղ բնակչության նկատմամբ ամենախոշոր զանգվածային սպանությունը՝ կյանքից զրկելով մոտ 1200 մարդու։ Նրանք նաև մոտ 250 պատանդ են վերցրել և տեղափոխել Գազայի հատված։ Հետագայում մի մասը փոխանակվեց կամ ազատ արձակվեց, մյուսները զոհվեցին։
Ի պատասխան՝ Իսրայելը պատերազմ հայտարարեց ՀԱՄԱՍ-ին։ Գազայի հատվածում իրականացված ցամաքային գործողությունների և ռմբակոծությունների հետևանքով, ՀԱՄԱՍ-ի վերահսկողության տակ գտնվող առողջապահության նախարարության տվյալներով, զոհվել է ավելի քան 67 հազար պաղեստինցի, ևս շուրջ 169 հազարը վիրավորվել են։ Միևնույն ժամանակ չի նշվում՝ ինչպես են այդ տվյալները կազմվում։ Օրինակ՝ անհայտ է, թե զոհվածների մեջ քանի իսլամիստ զինյալ է եղել, ինչպես նաև՝ ներառվե՞լ են արդյոք հիվանդանոցներում բնական պատճառներով մահացած պաղեստինցիները։
