11.09.2026 | 14:45
Իմ սիրելի գործընկերը օլիգարխ դառնալու հավակնություն ուներ. Փաշինյանը` Հայկ Սարգսյանի մասին․ ՏԵՍԱՆՅՈւԹ
«Բարսելոնան» վերադարձավ «Կամպ Նոու» և տարավ վստահ հաղթանակ․ ՏԵՍԱՆՅՈՒԹ
22.11.2025 | 22:42
Կատալոնական «Բարսելոնան» 2,5 տարվա ընդմիջումից հետո վերադարձավ վերակառուցված «Սփոթիֆայ Կամպ Նոու» ստադիոն և հասավ տպավորիչ հաղթանակի։
Իսպանիայի առաջնության 13-րդ տուրում գործող չեմպիոնն ընդունեց Բիլբաոյի «Աթլետիկին» և հաղթեց 4:0 հաշվով։ «Բարսելոնայից» դուբլի հեղինակ դարձավ իսպանացի հարձակվող Ֆերան Տորեսը, մեկական գոլ խփեցին լեհ ռմբարկու Ռոբերտ Լևանդովսկին ու իսպանացի կիսապաշտպան Ֆերմին Լոպեսը։ 54-րդ րոպեից հյուրերը 10 ֆուտբոլիստով էին խաղում իսպանացի կիսապաշտպան Օյան Սանսեթի հեռացման պատճառով։
Հանդիպմանը ներկա էր շուրջ 45 հազար երկրպագու, քանի որ «Սփոթիֆայ Կամպ Նոուի» բոլոր տրիբունաները դեռ բացված չեն։ «Բարսելոնան» նախորդ անգամ սեփական ստադիոնում խաղացել էր 2023թ․ մայիսի 28-ին։ Վերջին շրջանում կատալոնական ակումբը տնային հանդիպումներն անցկացնում էր Բարսելոնայի Օլիմպիական ստադիոնում։
Այդ հաղթանակից հետո Հանսի Ֆլիկի գլխավորած թիմը վաստակեց 31 միավոր և հավասարվեց առաջատար Մադրիդի «Ռեալին», որն այս տուրի հանդիպումը կանցկացնի նոյեմբերի 23-ին՝ հյուրընկալվելով «Էլչեին»։
