19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
Խոշոր Հրդեհ Ճամբարակ-Թթուջուր հատվածում. այրվում է 70-80 հա խոտածածկ տարածք
22.11.2025 | 01:18
Լայնամասշտաբ հրդեհներ են Ճամբարակի տարածաշրջանում։ Հրդեհը տարածվել է Թթուջուր գյուղի հարակից դաշտերում ու լեռներում` հասնելով մինչև Տավուշի մարզի սահմանային գոտի։ Այս մասին ֆեյսբուքյան իր էջում գրել է ֆեյսբուքյան օգտատերերից մեկը և կից տեսանյութ հրապարակել։
ՆԳՆ-ից Factor.am-ին տեղեկացրին, որ նոյեմբերի 21-ին՝ ժամը 11։00-ի սահմաններում, ՆԳՆ ՓԾ Գեղարքունիքի մարզային վարչությունում տեղեկատվություն է ստացվել, որ Ճամբարակ-Թթուջուր հատվածում հրդեհ է բռնկվել․ սարալանջին այրվում է խոտածածկ տարածք։
«Կազմակերպվել է համապատասխան արձագանքում։ Հրդեհաշիջման աշխատանքներին ներգրավվել են ՆԳՆ Փրկարար ծառայության Գեղարքունիքի և Տավուշի ստորաբաժանումներից մարտական 5 հաշվարկ, 4 օպերատիվ խմբեր։ Նախնական տվյալներով՝ այրվում է 70-80 հա խոտածածկ տարածք։ Հրշեջ-փրկարարներին հաջողվել է կանխել հրդեհի տարածումը դեպի անտառապատ գոտիներ և բնակելի տարածքներ»,- հայտնեցին ՆԳՆ-ից։
ՆԳՆ-ի փոխանցմամբ՝ այս պահին հրդեհաշիջման աշխատանք է կատարում 90 փրկարարական ծառայող։
Տեսանյութը՝ Անուշ Կլեկչյանի
