19.08.2026 | 14:13
4-րդ հանրապետության ճարտարապետը Թուրքիան է, իսկ կոնստրուկտորը՝ Ադրբեջանը․ Իշխան Սաղաթելյան․ ՏԵՍԱՆՅՈՒԹ
«Չելսիի» առաջատարի վերադարձը հետաձգվում է․ նա կոտրվածք է ստացել
21.11.2025 | 20:37
Լոնդոնի «Չելսիի» առաջատարներից Քոուլ Փալմերի վերադարձը խաղադաշտ դարձյալ հետաձգվում է։ Անգլիացի կիսապաշտպանը մրցաշրջանի մեծ մասը բաց է թողել աճուկի վնասվածքի պատճառով, սակայն հիմա էլ ոտքի մատի կոտրվածք է ստացել։ Այդ մասին հայտնել է «Չելսիի» գլխավոր մարզիչ Էնցո Մարեսկան։
«Ցավոք, Փալմերի տանը անհաջող պատահար է տեղի ունեցել։ Նա ոտքի մատը հարվածել է դռանը և կոտրվածք ստացել։ Սարսափելի ոչինչ չկա, սակայն նա շարք չի վերադառնա հաջորդ շաբաթվա ընթացքում»,- իտալացի մասնագետի խոսքը մեջբերում է Mirror-ը։
Քոուլ Փալմերը վերջերս էր սկսել մարզումները շուրջ 2 ամսվա ընդմիջումից հետո։ Նախորդ անգամ անգլիացին հանդիպման մասնակցել է սեպտեմբերի 20-ին։
