09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱՄՆ-ը սպառնում է դադարեցնել հետախուզական տվյալների և զենքի տրամադրումը, եթե Ուկրաինան չստորագրի խաղաղության ծրագիրը մինչև նոյեմբերի 27-ը. Reuters
Քաղաքականություն
21.11.2025 | 21:13
ԱՄՆ իշխանությունները զգուշացրել են Ուկրաինային, որ կդադարեցնեն հետախուզական տվյալների փոխանակումը և զենքի մատակարարումը զինված ուժերին, եթե Կիևը չստորագրի պատերազմը դադարեցնելու՝ ԱՄՆ-ի մշակած խաղաղության ծրագիրը։ Այս մասին հաղորդում է Reuters-ը՝ հղում անելով իրավիճակին ծանոթ երկու աղբյուրների, փոխանցում է Current time-ը։
Աղբյուրների պնդմամբ՝ Կիևը Վաշինգտոնի կողմից ավելի մեծ ճնշման տակ է, քան նախորդ խաղաղության բանակցությունների ժամանակ։
Բացի այդ, նրանց խոսքով՝ ԱՄՆ-ը ցանկանում է, որ Ուկրաինան շրջանակային համաձայնագիր ստորագրի մինչև նոյեմբերի 27-ը։ Այս մասին ավելի վաղ հաղորդել էր Financial Times-ը։ Նշվել էր, որ ԱՄՆ պաշտոնյաներն ակնկալում են, որ ամբողջ գործընթացն կավարտվի մինչև դեկտեմբերի սկիզբը։
«Նրանք ցանկանում են դադարեցնել պատերազմը և ուզում են, որ Ուկրաինան վճարի դրա գինը»,- Reuters-ին ասել է աղբյուրներից մեկը։
Politico-ն նշում է, որ Բրյուսելում ամերիկյան խաղաղության նախաձեռնության քննարկմանը նվիրված փակ նիստի ժամանակ Ուկրաինայի արտաքին գործերի նախարար Անդրեյ Սիբիհան եվրոպացի քաղաքական գործիչներին ասել է, որ Թրամփի ծրագիրն անհնար է իրականացնել, քանի որ այն «հիմնված է ագրեսորին հանդարտեցնելու վրա»։ Նա նշել է, որ դա կարող է հանգեցնել նոր պատերազմի Ուկրաինայում և նույնիսկ Եվրոպայում։
Թարգմանությունը՝ Էմմա Չոբանյանի
