07.09.2026 | 14:59
Պեսկովը հայտնել է Փաշինյան-Պուտին հանդիպման օրակարգը
Մինսկի գործընթացը և դրան կից կառույցներն ավարտում են գործունեությունը․ ԵԱՀԿ
Քաղաքականություն
21.11.2025 | 17:41
ԵԱՀԿ-ն ավարտում է Մինսկի խմբի և դրան առնչվող կառույցների փակման գործընթացը։ Այս մասին կառույցից հայտնել են ադրբեջանական APA-ին։
«2025 թվականի սեպտեմբերի 1-ին Նախարարների խորհրդի կողմից ընդունված թիվ 1/25 որոշման հիման վրա՝ ԵԱՀԿ-ն քայլեր է ձեռնարկում Մինսկի գործընթացը և դրան կից կառույցները փակելու ուղղությամբ։ Դա կավարտվի մինչև 2025 թվականի դեկտեմբերի 1-ը։ Այս ամսաթվից հետո Մինսկի գործընթացի և դրան կից կառույցների մանդատի շրջանակում իրականացվող բոլոր գործողությունները պաշտոնապես կդադարեցվեն»,- ասվում է հաղորդագրությունում։
Ակնկալվում է, որ ԵԱՀԿ-ն դեկտեմբերի 1-ին կհրապարակի հաղորդագրություն, որով պաշտոնապես կհայտարարի փակման մասին։
Հիշեցնենք, որ 2025 թվականի սեպտեմբերի 1-ին ԵԱՀԿ Մշտական խորհուրդը որոշել էր դադարեցնել ԵԱՀԿ Մինսկի գործընթացը և դրան կից կառույցները։
ԵԱՀԿ քարտուղարությանը հանձնարարվել է ավարտել այդ կառույցների փակման հետ կապված բոլոր կազմակերպչական և տեխնիկական հարցերը ոչ ուշ, քան 2025 թվականի դեկտեմբերի 1-ը։
Թարգմանությունը՝ Էմմա Չոբանյանի
