16.03.2026 | 17:12
Քննարկվել են զբոսաշրջության ոլորտում համագործակցության զարգացման հնարավորությունները. ավարտվել է MITT 2026 ցուցահանդեսը
Հրազդանի կիրճում ժայռերի քանդման աշխատանք չի կատարվում. Երևանի քաղաքապետարան
21.11.2025 | 15:33
ArmLand էքստրիմ տուրիստական ընկերության ներկայացուցիչ Արտյոմ Մարտիրոսյանը տեսանյութ էր հրապարակել Հրազդանի կիրճից, կից գրառում անելով․ «Քանդում են Հրազդանի կիրճի բազալտե սյուները, որը հանդիսանում է բնության հուշարձան»։
Տեսանյութում երևում է, որ տարածքում էքսկավատոր է աշխատում։ Երևանի քաղաքապետարանի լրատվության վարչության պետի պաշտոնակատար Օֆելյա Սիմոնյանը Factor.am-ին փոխանցեց, որ վերանորոգվում է Հրազդանի կիրճին հարակից ստորգետնյա անցումը։
«Որևէ ժայռերի քանդման աշխատանք այդտեղ չի կատարվում։ Հեռացվում է տարածքից դեպի Հրազդանի կիրճ իջնող հատվածից տարիների ընթացքում կուտակված շինարարական աղբը, ինչի արդյունքում Հրազդանի կիրճի ժայռերի գեղեցիկ տեսարանն էլ ավելի կբացվի և տեսանելի կլինի»,- ասաց Սիմոնյանը։
Անի Թամրազյան
