19.05.2026 | 19:47
Գերմանիան Թուրքիայում Patriot համակարգեր կտեղակայի
Բաքվից պնդում են, թե ԱՄՆ-ի հետ, այսպես կոչված, «Զանգեզուրի միջանցքին» վերաբերող հարցեր են քննարկել
Քաղաքականություն
21.11.2025 | 16:23
Ադրբեջանի թվային զարգացման և տրանսպորտի նախարար Ռաշադ Նաբիևը հանդիպել է ԱՄՆ գործերի ժամանակավոր հավատարմատար Էմի Քարլոնի և ԱՄՆ Պետքարտուղարության քաղաքականության գրասենյակի ավագ խորհրդական Ջոնաթան Ասկոնասի հետ, գրում են ադրբեջանական լրատվամիջոցները։
«Մենք տեղեկատվություն ենք տրամադրել ադրբեջանական կողմի կողմից Միջին միջանցքի զարգացման ուղղությամբ կատարված աշխատանքների վերաբերյալ։ Քննարկել ենք երկու երկրների միջև այս ուղղությամբ համագործակցությունը, ինչպես նաև Զանգեզուրի միջանցքի վերաբերյալ հարցեր: Միաժամանակ, մտքեր ենք փոխանակել կիբերանվտանգության և արհեստական բանականության ոլորտներում գործընկերության վերաբերյալ»,- գրել է ադրբեջանցի պաշտոնյան սոցցանցերում։
Հավելենք, որ Վաշինգտոնում օգոստոսի 8-ին ստորագրված համաձայնագրերով որևէ «Զանգեզուրի միջանցքի» մասին խոսք չկա։ Դրանցում նշվում է «Թրամփի երթուղու» (TRIPP) մասին, սակայն Բաքվի քարոզչամեքենան ու ադրբեջանցի պաշտոնյաները, այդ թվում՝ նախագահ Իլհամ Ալիևը շարունակում են «միջանցք» եզրույթն օգտագործել՝ խեղաթյուրելով նաև ստորագրված փաստաթղթերի բովանդակությունը։
Թարգմանությունը՝ Էմմա Չոբանյանի
