29.07.2026 | 16:30
Շաբաթների ընթացքում ՀԷՑ-ը կառավարության կողմից հանրային գերակա շահ կճանաչվի. Ռոմանոս Պետրոսյան․ ՏԵՍԱՆՅՈՒԹ
Թուրք ֆուտբոլիստին դատի են տվել Հարի Փոթերի ժեստը կրկնելու համար
21.11.2025 | 13:23
Warner Bros. Discovery-ն դատական հայց է ներկայացրել «Ֆեներբաhչեի» և Թուրքիայի հավաքականի ֆուտբոլիստ Կերեմ Ակթյուրքօղլուի դեմ՝ գոլերը տոնելու ոճի պատճառով, որը հիշեցնում է Հարի Փոթերի տիեզերքից կախարդական շարժումը, հաղորդում է IGN-ը։
Մեդիա-հսկայի կարծիքով՝ Ակթյուրքօղլուի այդ ժեստը, որով նա ցույց է տալիս, թե իբրև ձեռքում կախարդական փայտիկ ունի, ասոցացվում է «Հարի Փոթեր» ֆրանշիզայի հետ, ինչը համարվում է բրենդի մտավոր սեփականության իրավունքի խախտում։
Թուրք ֆուտբոլիստի փաստաբանները պնդելու են, որ ժեստը համընդհանուր հղում է փոփ-մշակույթին և կապված չէ որևէ առևտրային արտադրանքի վաճառքի հետ։
Եթե Warner Bros-ը հաղթի դատավարությունում, հնարավոր է 27-ամյա կիսապաշտպանը ստիպված լինի փոխել իր գոլը տոնելու ձևը։
Կերեմ Ակթյուրքօղլուն 2021 թվականից է խաղում Թուրքիայի հավաքականում, իսկ «Ֆեներբաhչեին» միացել է այս տարի՝ տեղափոխվելով պորտուգալական «Բենֆիկայից»։
