19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
Զախարովան անդրադարձել է ՌԴ լրագրողի` Հայաստան մուտքի արգելքին
Քաղաքականություն
20.11.2025 | 20:57
Ռուսաստանի ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է Wargonzo-ի լրագրող Դմիտրի Սելեզնյովի մուտքը Հայաստան արգելելու որոշումը։ Ավելի վաղ լրատվամիջոցները հաղորդել էին, որ նրա մուտքը Հայաստան արգելվել է։
«Մենք ուշադրություն ենք դարձրել, որ Դմիտրի Սելեզնյովին արգելվել է մուտք գործել Հայաստան։ Մտահոգիչ է, որ չկա որևէ տեղեկատվություն այն մասին, թե երբ են լրանալու սահմանափակումները, արդյո՞ք լրագրողը մեղադրվում է հանրապետությունում որևէ հանցագործության մեջ, կամ թե ինչպես կարող է նա ակնկալել արգելքի վերացում»,- ասել է նա։
Զախարովան նշել է, որ որոշման վերաբերյալ տեղեկատվություն են խնդրել Հայաստանում ՌԴ դեսպանատան միջոցով։
«Հուսով ենք, որ որոշումը կապված չէ Սելեզնյովի լրագրողական գործունեության հետ, որովհետև դա չի համապատասխանում հանրապետության՝ որպես օրենքի գերակայության, ժողովրդավարական պետության կերպարին, որը խթանում են Հայաստանի իշխանությունները։ Մամուլի ազատությունը, ինչպես գիտենք, ցանկացած ժողովրդավարության անխախտ սկզբունք է»,- հայտարարել է ռուս պաշտոնյան։
Թարգմանությունը՝ Էմմա Չոբանյանի
