28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ՖԻՖԱ-ի նախագահ․ Դա աննախադեպ իրադարձություն է
20.11.2025 | 19:36
ՖԻՖԱ-ի նախագահ Ջանի Ինֆանտինոն մեծ իրադարձություն է համարում աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսիի մասնակցությունն ԱԱ-2026-ին։
«Անհամբերությամբ եմ սպասում, թե երբ է Լիոնել Մեսին խաղալու իր համար 6-րդ աշխարհի առաջնությանը։ Դա աննախադեպ իրադարձություն է, որն ընդգծում է առաջիկա Մունդիալի պատմական լինելը։ Մեսիի պես ֆուտբոլային կուռքերը վճռորոշ դեր են կատարում ԱՄՆ-ում մեր մարզաձևի զարգացման գործում։ Մեսին ճանաչված և հարգված կուռք է մի երկրում, որտեղ մեծ ճանաչում ունեն ամերիկյան ֆուտբոլը, բեյսբոլը և բասկետբոլը։ Նա իսկական դեսպան է և շարունակում է սահմանել ռեկորդներ»,- Ջանի Ինֆանտինոյի խոսքը մեջբերում է Ole-ն։
Հիշեցնենք, որ 48 մասնակցով առաջին Մունդիալը կկայանա հունիսի 11-ից հուլիսի 19-ը ԱՄՆ-ում, Կանադայում ու Մեքսիկայում։
