07.09.2026 | 13:33
Պուտինը զանգահարել է Ալիևին․ քննարկվել են առևտրատնտեսական ու հումանիտար հարցեր
Աստղային թենիսիստը զրկվել է վարորդական իրավունքից
20.11.2025 | 17:08
Աշխարհի 34-րդ ռակետ Ստեֆանոս Ցիցիպասը թույլատրելի արագությունը գերազանցելու համար մեկ տարով զրկվել է վարորդական իրավունքից, հաղորդում է Greek City Times-ը։
Հույն թենիսիստը նաև տուգանվել է 2 հազար եվրո։ Ցիցիպասն իր Lotus մակնիշի ավտոմեքենայով 210 կմ/ժամ արագությամբ է ընթացել Աթենքը շրջանցող մայրուղով, որտեղ թույլատրելի արագությունը 100-130 կմ/ժամ է։
Այս մրցաշրջանում Ստեֆանոս Ցիցիպասը հաղթել է Դուբայի ATP-500 մրցաշարում։ Վերջին ամսվա ընթացքում 27-ամյա մարզիկը Սաուդյան Արաբիայում ցուցադրական մրցախաղի էր մասնակցել՝ պարտվելով աշխարհի երկրորդ ռակետ, իտալացի Յանիկ Սիներին։ Six Kings Slam-ին մասնակցության համար Ցիցիպասը ստացել էր 1,5 միլիոն դոլար պարգևավճար։ Նոյեմբերին նա վնասվածքի պատճառով հրաժարվել էր Աթենքի մրցաշարի մասնակցությունից։
